ପୋଖରୀରେ ବୁଡି ଦୁଇ ନାବାଳକ ମୃତ

ନୟାଗଡ଼, (ବାଘୁଆବାର୍ତ୍ତା): ଅଭିମାନପୁର ଗ୍ରାମ ପୋଖରୀରେ ବୁଡି ଦୁଇ ନାବାଳକଙ୍କ ମୃତ୍ୟୁ ହୋଇଛି l ମୃତ ଦୁଇ ନାବାଳକ ଦଦା ପୁଅ ଓ ବଡବାପା ପୁଅ ଭାଇ l ମୃତ ନାବାଳକ ହେଲେ ଅଭିମାନପୁର ଗ୍ରାମର ଲିପୁନ କର(10) ଓ ପ୍ରଦୀପ୍ତ ପ୍ରଳୟ କର(12) l ସୂଚନାନୁସାରେ, ନୟାଗଡ଼ ଜିଲ୍ଲା ଇଟାମାଟି ଥାନା ବାଉଁଶିଆପଡା ପଞ୍ଚାୟତ ଅନ୍ତର୍ଗତ ଅଭିମାନପୁର ଗ୍ରାମ କାର୍ତ୍ତିକ କରଙ୍କ 10ବର୍ଷର ପୁଅ ଲିପୁନ କର ଓ ସର୍ବେଶ୍ୱର କରଙ୍କ ପୁଅ 12ବର୍ଷର ପୁଅ ଗ୍ରାମ ପୋଖରୀ ଆଜି ସକାଳ ଗାଧୋଇବାକୁ ଯାଇଥିଲେ l ଗାଧୋଇବା ସମୟରେ ଅସାବଧାନତା ଯୋଗୁ ପୋଖରୀ ଦୁଇ ଭାଇ ବୁଡ଼ି ଯାଇଥିଲେ l ସ୍ଥାନୀୟ ଲୋକ ଦେଖି ଉଭୟ ଦୁଇ ଭାଇଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇଥିଲେ l ତେବେ ଡାକ୍ତର ଉଭୟ ଦୁଇ ଭାଇଙ୍କୁ ମୃତ ଘୋଷଣା କରିଥିଲେ l ମୃତ ଖବର ଶୁଣି ସ୍ଥାନୀୟ ଅଞ୍ଚଳରେ ଶୋକାକୁଳ ପରିସ୍ଥିତି ଦେଖାଦେଇଛି l