ଶ୍ୟାମା ସୋରୁମରେ ଭୟାବହ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ପୋଷାକ ପୋଡ଼ି

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଖଣ୍ଡପଡ଼ା ରାସ୍ତାରେ ଅବସ୍ଥିତ ଶ୍ୟାମା ପୋଷାକ ସୋରୁମରେ ବିଳମ୍ବିତ ରାତ୍ରୀରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ପୋଷାକ ଓ ଆସବାବପତ୍ର ପୋଡ଼ି ଯାଇଛି। ନୟାଗଡ଼ ଅଗ୍ନିଶମ ବାହିନୀର ୪ ଟି ଦମକଳ ଗାଡ଼ି ସାହାଯ୍ୟରେ ନିଆଁ ଆୟତ କରାଯିବାକୁ ଚେଷ୍ଟା ଚାଲିଛି। ସର୍ଟ ସର୍କିଟ ପାଇଁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି। ଅଗ୍ନିଶମ ବିଭାଗ କର୍ମଚାରୀ ଦୁଇ ଘଣ୍ଟା ଧରି ଚେଷ୍ଟା କରି ମଧ୍ୟ ନିଆଁକୁ ଆୟତ କରି ପାରୁନଥିବାରୁ ଅସନ୍ତୋଷ ଦେଖା ଦେଇଛି।