ମୃତ୍ତିକା ସଂରକ୍ଷଣ ନିର୍ଦ୍ଦେଶକଙ୍କ ନୟାଗଡ଼ ଗ୍ରସ୍ତ

ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ଜଳ ବିଭାଜିକା ଓ ମୃତ୍ତିକା ସଂରକ୍ଷଣ ନିର୍ଦ୍ଦେଶକ ହେମନ୍ତ କୁମାର ପଣ୍ଡା ଜିଲ୍ଲା ଗ୍ରସ୍ତରେ ଆସି ରଣପୁର ବ୍ଲକରେ ବିଭାଗ ତରଫରୁ କରାଯାଇଥିବା ବିଭିନ୍ନ ଉନ୍ନୟନ କାର୍ଯ୍ୟ ପରିଦର୍ଶନ କରିଛନ୍ତି । ରାଇପଡ଼ାଠାରେ ନିର୍ମିତ ଏକ ଜଳ ଅମଳ ପ୍ରକଳ୍ପ ଓ ରାଣୀଗାଡ଼ିଆ ଗ୍ରାମରେ ଚାଷୀ ପଦ୍ମ ବେହେରାଙ୍କ ଜମିରେ କରାଯାଇଥିବା ପନିପରିବା ଚାଷ ଦେଖିବା ସହ ବୁନ୍ଦା ଜଳସେଚନ ପାଇଁ ପରାମର୍ଶ ଦେଇଛନ୍ତି । ଜଳ ବିଭାଜିକା ଅଞ୍ଚଳରେ ନିର୍ମାଣ କରାଯାଇଥିବା ସମସ୍ତ ଜଳ ଅମଳ ପ୍ରକଳ୍ପ ଗୁଡ଼ିକରେ ସଂଘନ ପ୍ରଣାଳୀରେ ମାଛ ଚାଷ, ଫଳ ଗଛ ରୋପଣ ଓ ପନିପରିବା ଚାଷ କରିବା ପାଇଁ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଚନ୍ଦନ କୁମାର ସାହୁ ଓ ସହକାରୀ ମୃତ୍ତିକା ସଂରକ୍ଷଣ ଅଧିକାରୀ ମଧୁସ୍ମିତା ବେହେରାଙ୍କୁ ପରାମର୍ଶ ଦେଇଛନ୍ତି । ଏଥିସହିତ ନିର୍ଦ୍ଦେଶକ ଶ୍ରୀଯୁକ୍ତ ପଣ୍ଡା ନୟାଗଡ଼ରେ କୃଷି ମନ୍ତ୍ରୀ ଡ. ଅରୁଣ କୁମାର ସାହୁଙ୍କୁ ସାକ୍ଷାତ କରି ବିଭିନ୍ନ କାର୍ଯ୍ୟକ୍ରମ ସଂମ୍ପର୍କରେ ଆଲୋଚନା କରିଛନ୍ତି । ଜିଲ୍ଲାରେ କିଭଳି ମୃତ୍ତିକା ସଂରକ୍ଷଣ ବିଭାଗର କାର୍ଯ୍ୟକ୍ରମ ଚାଲିଛି ସେ ନେଇ ନିର୍ଦ୍ଦେଶକ ମନ୍ତ୍ରୀଙ୍କୁ ଅବଗତ କରାଇଛନ୍ତି ।