ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଅତିରିକ୍ତ ଜିଲ୍ଲା ଓ ଦୌରାଜଜ ଲିଲି ସେନାପତି ଏକ ଦୁଷ୍କର୍ମ ମାମଲାର ବିଚାର କରି ଅଭିଯୁକ୍ତ ରିଙ୍କୁ ରାଜକିଶୋର ସେଠୀକୁ ୧୦ ବର୍ଷ ସଶ୍ରମ କାରାଦଣ୍ଡାଦେଶ ସହ ୫ ହଜାର ଜରିମାନା ଆଦେଶ ଦେଇଛନ୍ତି । ଅଭିଯୁକ୍ତ ଜଣଙ୍କ ନୟାଗଡ଼ ଜିଲ୍ଲା ନୂଆଗାଁ ଲୁଣିସର ଗ୍ରାମର ଜଳେଶ୍ୱର ସେଠୀଙ୍କ ପୁଅ ବୋଲି ଜଣାଯାଇଛି । ୨୦୨୨ ମସିହା ଫେବୃୟାରୀ ୨୩ ତାରିଖ ମଧ୍ୟାହ୍ନରେ ମହିଳାଙ୍କୁ ଏକୁଟିଆ ପାଇ ଦୁଷ୍କର୍ମ କରିଥିଲା ଏବଂ ବିଭିନ୍ନ ଧମକ ଦେଇ ଘଟଣା ବିଷୟରେ ବାହାରେ ପ୍ରଘଟ ନକରିବାକୁ କହିଥିଲା। ପିଡିତା ମହିଳା ଏନେଇ ଶାଶୁ ଘର ଲୋକଙ୍କୁ ଅବଗତ କରିବା ପରେ କେହି ଗୁରୁତ୍ୱ ଦେଇନଥିଲେ । ଫଳରେ ମହିଳା ଘଟଣା ବିଷୟରେ ନିଜ ବାପଘରକୁ ଫୋନ ଯୋଗେ ଜଣାଇ ପରେ ଗ୍ରାମବାସୀଙ୍କୁ ଜଣାଇଥିଲା । ଗ୍ରାମରେ ଏ ବିଷୟରେ କିଛି ସମାଧାନ ନ ହେବାରୁ ଶେଷର ବାଧ୍ୟ ହୋଇ ପିଡିତା ନୂଆଗାଁ ଥାନାରେ ଏତଲା କରିଥିଲା । ନୂଆଗାଁ ଥାନା ପୁଲିସ ଘଟଣା ତଦନ୍ତ କରି ଅଭିଯୁକ୍ତ ବିରୋଧରେ ଚାର୍ଜସିଟ କଲା । ଏହି ଘଟଣାର ବିଚାର ପରେ ଆସାମୀ ରିଙ୍କୁ ସେଠୀକୁ ୧୦ ବର୍ଷ ସଶ୍ରମ କାରାଦଣ୍ଡାଦେଶ ସହିତ ୫ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି । ଜରିମାନା ଅନାଦେୟ ୧ ବର୍ଷ ଅଧିକ ଜେଲଦଣ୍ଡ ଆଦେଶ ଶୁଣାଇଛନ୍ତି । ଏହି ମାମଲାକୁ ସରକାରଙ୍କ ପକ୍ଷରୁ ଆଇନଜୀବୀ ଅମିୟ ପଟ୍ଟନାୟକ ପରିଚାଳନା କରୁଥିଲେ ।





