ଭୂବନେଶ୍ୱର,(ବାଘୁଆବାର୍ତ୍ତା): ସୁନାମୁହିଁ ବାହ୍ୟ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସୁ ମୋଟ ୧୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା ୧୬୨ରେ ପହଂଚିଛି । ଯାହାକୁ ନେଇ ପ୍ରଶାସନର ଚିନ୍ତା ବଢ଼ିଥିବା ବେଳେ ପ୍ରଶାସନ ୫ଟି ପଂଚାୟତର ୨୦ ଗାଁ ଏବଂ ଓଡ଼ଗାଁ ଏନ୍ଏସିକୁ କଣ୍ଟେନ୍ମେଣ୍ଟ ଘୋଷଣା କରିବା ନେଇ ନିର୍ଭର ଯୋଗ୍ୟ ସୁତ୍ରରୁ ଜଣାଯାଇଛି । ସୂଚନାସାରେ, ସୁନାମୁହିଁ ବାହ୍ୟ ଆକ୍ରାନ୍ତଙ୍କ ସଂସ୍ପର୍ଶରେ ଆସି ପ୍ରଥମେ ତାଙ୍କ ସଂମ୍ପର୍କୀୟଙ୍କୁ କରୋନା ହୋଇଥିବା ଜଣାଯାଇଥିଲା । ମାତ୍ର ଗତକାଲି ସୁନାମୁହିଁ ବାହ୍ୟ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ସୁନାମୁହିଁ ଅଂଚଳର ୧୦ ଜଣଙ୍କୁ କରୋନା ହୋଇଥିବା ଏବଂ କୁରାଳ ସଂଗରୋଧରେ ରହିଥିବା ବାହ୍ୟ ଆକ୍ରାନ୍ତ ସଂମ୍ପର୍କୀୟ ୪ ଜଣଙ୍କୁ କରୋନା ହୋଇଥିବା ଜଣାପଡ଼ିଥିଲା । ଏହି ଆକ୍ରାନ୍ତଙ୍କ ମଧ୍ୟରେ ୫ ଜଣ ମହିଳା, ୫ ଜଣ ପୁରୁଷ ଏବଂ ୪ ଜଣ ଶିଶୁ ଅଛନ୍ତି । ଏହି ସମସ୍ତ ଆକ୍ରାନ୍ତଙ୍କ ମଧ୍ୟରୁ ୧୩ ଜଣଙ୍କୁ ଜିଲ୍ଲା ପ୍ରଶାସନ କୋଭିଡ୍ ହସ୍ପିଟାଲ ସ୍ଥାନାନ୍ତରିତ କରିଥିବା ବେଳେ ଅନ୍ୟ ଜଣେ ବ୍ୟକ୍ତି ଗଂଜାମ ଜିଲ୍ଲା ବୁଗୁଡ଼ାରେ ରହିଥିବାରୁ ପ୍ରଶାସନ ଗଂଜାମ ଜିଲ୍ଲା ପ୍ରଶାସନ ମାଧ୍ୟମରେ କୋଭିଡ୍ ହସ୍ପିଟାଲ ସ୍ଥାନାନ୍ତରିତ କରିଥିବା ଜଣାଯାଇଛି । ଏହାକୁ ନେଇ ଓଡ଼ଗାଁ ବ୍ଲକ ଅଂଚଳରେ ଭୟର ବାତାବରଣ ଖେଳି ଯାଇଛି । ଯାହାକୁ ନେଇ ପ୍ରଶାସନର ଚିନ୍ତା ବଢ଼ିଥିବା ବେଳେ ଓଡ଼ଗାଁ ବ୍ଲକର କୁରାଳ, କୋମଣ୍ଡ, ସୁନାମୁହିଁ, ଗିରିଡ଼ିପଲ୍ଲୀ, ରୋହିବାଙ୍କ କିମ୍ବା ବେରୁହାଁବାରି ପଂଚାୟତର ୨୦ ଖଣ୍ଡ ଗ୍ରାମ ସମେତ ଓ ଓଡ଼ଗାଁ ବିଜ୍ଞାପିତ ଅଂଚଳ ପରିଷଦକୁ ପ୍ରଶାସନ କଣ୍ଟେନ୍ଣ୍ଣ୍ ଘୋଷଣା କରିବା ପାଇଁ ପ୍ରସ୍ତୁତି ଚଳାଇଥିବା ଜଣାଯାଇଛି । ଏନେଇ ଜିଲ୍ଲାପାଳ ବିଧିବଧ ନିର୍ଦ୍ଦେଶ ନାମା ଜାରି କରିବାର ସମ୍ଭାବନା ରହିଛି ।
