ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଟାଉନଥାନା ଅନ୍ତର୍ଗତ ଜଗନ୍ନାଥମନ୍ଦିର ତଥା ଭିଜିଲାନ୍ସ କାର୍ଯ୍ୟାଳୟ ନିକଟସ୍ଥ ଏକ ଘରୁ ସୁନା ଅଳଙ୍କାର ଡକାୟତୀ ହୋଇଛି । ରବିବାର ସଂନ୍ଧ୍ୟାରେ ୩ ଜଣ ଦୁବୁର୍ତ୍ତ ସ୍ୱର୍ଗତ ସଦାଶିବ ଦେଓଙ୍କ ଘରେ ପଶି କଳାକନା ବୁଲାଇଛନ୍ତି । ସ୍ୱର୍ଗତ ଦେଓଙ୍କ ପôତୀ ଉର୍ମିଳା ଦେଓ ଉକ୍ତ ଘରେ ଏକାକୀ ରହୁଥିଲେ । ସଂନ୍ଧ୍ୟାରେ ଦୁବୁର୍ତ୍ତମାନେ ଘର ଭଡ଼ା ନେବା ବାହାନାରେ ଘରକୁ ଆସିଥିଲେ । ମହିଳାଙ୍କ ସହ ଘରଭଡ଼ା ବାବଦ କଥାବାର୍ତ୍ତା ହେବା ପରେ ପିଇବା ପାଇଁ ପାଣି ମାଗିଥିଲେ ।
ଏହି ସମୟରେ ଉକ୍ତ ଦୁବର୍ତ୍ତ ମହିଳାଙ୍କୁ ମାଡ଼ ମାରି ବେକରେ ଥିବା ସୁନା ଅଳଙ୍କାର ଛିଣ୍ଡାଇ ନେଇଥିଲେ । ପରେ ତାଙ୍କୁ ଭୟଭୀତ କରି ଘରେ ଥିବା ଅନ୍ୟ ସୁନା ଅଳଙ୍କାର ଏବଂ ଟଙ୍କା ମଧ୍ୟ ଲୁଟି ନେଇଥିଲେ । ନୟାଗଡ଼ ସହରରେ ସଂନ୍ଧ୍ୟା ସମୟରେ ଡକାୟତୀ ଘଟଣା ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି । ଖବରପାଇ ନୟାଗଡ଼ ଟାଉନଥାନା ପୁଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ କରୁଛି । ମହିଳାଙ୍କ କାନ ଫାଟି ଯାଇଥିବାରୁ ତାଙ୍କୁ ଚିକିତ୍ସା ପାଇଁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରାଯାଇଛି ।





