ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ସହର ମଧ୍ୟରେ ଥିବା ମଦ ଦୋକାନରୁ ପାଂଚ ଲକ୍ଷ ଟଙ୍କା ଚୋରୀ ହୋଇଥିବା ନେଇ ଅଭିଯୋଗ ହୋଇଥିଲା । ପୁଲିସ ଏହି ଘଟଣାର ଛାନଭିନ୍ କରି ଦୁଇ ଜଣଙ୍କୁ ଥାନାରେ ଅଟକ ରଖିଛି । ସୂଚନାନୁସାରେ, ସହର ମଧ୍ୟରେ ଥିବା ଶକ୍ତି ପ୍ରସାଦ ମିଶ୍ରଙ୍କ ମଦ ଦୋକାନରୁ ସିଲିଂ କଣା କରି ଚୋରୀ ହୋଇଥିବା ଅଭିଯୋଗ ହୋଇଥିଲା । ଦୋକାନର ସିସିଟିଭି ବନ୍ଦ ଥିବା ତଦନ୍ତ ବେଳେ ଦେଖା ଯାଇଥିଲା । ଯାହାକୁ ନେଇ ପୁଲିସ ସନ୍ଦେହରେ ପଡ଼ିଥିବା ବେଳେ ଗତକାଲିଠାରୁ ପୁଲିସ ଦୁଇଜଣଙ୍କୁ ଥାନାରେ ଅଟକ ରଖିବା ଘଟଣାକୁ ଆହୁରି ସନ୍ଦେହ ଭିତରକୁ ଟାଣି ନେଇଛି ।
