ଲମତାପୁଟ, (ବାଘୁଆବାର୍ତ୍ତା): ଲମତାପୁଟ ପୋଲିସକୁ ପୁଣି ସଫଳତା । ୨୫ କେଜି ଗଞ୍ଜେଇ ବୋଝେଇ କାର୍ ସହ ୨ ଅନ୍ତରାଜ୍ୟ ମାଫିଆଙ୍କୁ ଗିରଫ କରିଛି ପୋଲିସ । ଏହାସହ ଏହି ଘଟଣାରେ ଆଉ କିଏ କିଏ ସାମିଲ ଅଞ୍ଚନ୍ତି । ସେନେଇ ଛାନ୍ଭିନ୍ କରୁଛି ଲମତାପୁଟ ପୋଲିସ । ଜଲାପୁଟ ଅଞ୍ଚଳରୁ ବାଣରାଶିକୁ ଗଞ୍ଜେଇ ଚାଲାଣ ହେଉଥିଲା । ପୋଲିସ ଜଲାପୁଟ ଅଭିମୁଖେ ଯାଉଥିବା ବେଳେ ଆଶାକିରଣ ହସ୍ପିଟାଲ ନିକଟରେ ଗଞ୍ଜେଇ ବୋଝେଇ କାରକୁ ଅଟକାଇବାକୁ ଚେଷ୍ଟା କରିଥିଲା ଲମତାପୁଟ ପୋଲିସ ।
କିନ୍ତୁ କାରଟି ପଛକୁ ପଛ ଯାଉଥିବା ଦେଖି ପୋଲିସ କର୍ମଚାରି ପିଛା କରିବା ଆରମ୍ଭ କରିଥିଲେ । ଡ୍ରାଇଭର ଜଣଙ୍କ କାର୍ରୁ ଓହ୍ଲାଇ ଫେରାର ହେବାକୁ ଚେଷ୍ଟା କରିଥିଲେ । ସେପଟେ ମାଫିଆମାନେ କାର୍ ସହାୟତାରେ ଚାରି ଜଣ ପୋଲିସ କର୍ମଚାରୀଙ୍କ ଉପରକୁ ଗାଡି ଚଢାଇବାକୁ ଉଦ୍ୟମ କରିଥିଲେ । କିନ୍ତୁ ପୋଲିସ ଗାଡି ଅଳ୍ପକେ ଏହି ଦୁର୍ଘଟଣାରୁ ବର୍ତ୍ତି ଯାଇଥିଲେ । ତଥାପି କାର୍ର ପିଛା କରିଥିଲା ପୋଲିସ ଗାଡି । ଶେଷରେ ଲିମାପୁଟ ଗାଁ ନିକଟରେ ମାଫିଆଙ୍କ ଗାଡିକୁ ଅଟକାଇବାରେ ସଫଳ ହୋଇଥିଲା ପୋଲିସ । ଆଉ କାର୍କୁ ଯାଞ୍ଚ କରିବାରୁ ୨୫ କେଜି ଗଞ୍ଜେଇ ମିଳିଥିଲା । ଏହାସହ ଦୁଇ ଜଣ ଗଞ୍ଜେଇ ମାଫିଆଙ୍କୁ କାବୁ କରିବାରେ ସଫଳ ହୋଇଛି ଲମତାପୁଟ ପୋଲିସ । ତେବେ ଗିରଫ ଦୁଇ ଜଣ ବାରଣାସୀ ଅଞ୍ଚଳର ବୀର ବାହାଦୂର ସିଂ ଏବଂ ସୌଥବ ସିଂ ବୋଲି ଜଣାପଡିଛି ।





