ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଅନ୍ତର୍ଗତ ଦଶପଳ୍ଲା ଥାନାକୁ ମିଳିଛି ସଫଳତା । ଗାଡି ସହ କଫ ସିରପ, ମଦ ଓ କିଛି ନିଶା ଔଷଧ ଦଶପଲ୍ଲା ପୁଲିସ ଜବତ କରିଛି । ଗତ କାଲି ଦଶପଲ୍ଲା ପୁଲିସ ପକ୍ଷରୁ ପେଟ୍ରୋଲିଂ କରାଯାଉଥିବା ବେଳେ କୌଣସି ସୁତ୍ରରୁ ଖବର ପାଇ ଘୋଳାହାଣ୍ଡି ଛକଠାରେ ଚଢ଼ଉ କରିଥିଲେ । ତାଙ୍କ ଠାରୁ ୨୩ ଗୋଟି କଫ ସିରପ ବଟଲ ଜବତ କରିଥିବା ସହ ୬ ଗୋଟି କିଙ୍ଗଫିସର ବିୟର, ୯ ଗୋଟି ବ୍ଲାକ ବାକାଇଟ, ୬ ଗୋଟି ମାକଡୁଏଲ ଓ କିଛି ନିଶା ଔଷଧ ଜବତ କରିଥିଲେ । ଏଥି ସହିତ ଓଡି ୨୫ ଏଚ ୦୪୯୪ ଗ୍ଲାମର ମଟର ସାଇକେଲ ଗାଡିକୁ ଜବତ କରାଯାଇଛି । ଦଶପଲ୍ଲା ଥାନା ଘୋଳାହାଣ୍ଡି ନୂଆ ସାହିର ଭିକାରି ପ୍ରଧାନଙ୍କ ପୁଅ ଶଙ୍କର ପ୍ରଧାନଙ୍କୁ ପୁଲିସ ଗିରଫ କରିଛି । ଦଶପଲ୍ଲା ଥାନା କେସ ନଂ ୨୧୭/୨୩ ରେ ମାମଲା ରୁଜ କରାଯାଇ ଆସାମୀକୁ କୋର୍ଟ ଫରୁୱାର୍ଡ କରାଯାଇଥିବା ଥାନା ସୁତ୍ରରୁ ଜଣା ପଡିଛି ।





