Thursday, November 19, 2026
ବାଘୁଆବାର୍ତ୍ତା
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
 
WhatsApp chat
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
No Result
View All Result
ବାଘୁଆବାର୍ତ୍ତା

ପୁତୁରାର ଗଳା କାଟି ହତ୍ୟା ମାମଲା, ଗୁମର ଖୋଲିଲା କୁମ୍ଭାରପଡ଼ା ଥାନା, ଜେଲ ଗଲେ ଦୁଇ ଅଭିଯୁକ୍ତ

by ସଞ୍ଜୟ ସ୍ୱାଇଁ
August 11, 2023
in Crime, State
ପୁତୁରାର ଗଳା କାଟି ହତ୍ୟା ମାମଲା, ଗୁମର ଖୋଲିଲା କୁମ୍ଭାରପଡ଼ା ଥାନା, ଜେଲ ଗଲେ ଦୁଇ ଅଭିଯୁକ୍ତ
94
VIEWS
Share on FacebookShare on Twitter

ପୁରୀ, (ବାଘୁଆବାର୍ତ୍ତା): ବଡ଼ଦାଣ୍ଡ ପାଶ୍ୱର୍ରେ ଘଟିଥିବା ବୀଭତ୍ସ ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ନୃସିଂହନାଥ ମହାନ୍ତି(୩୨) ଓରଫ ପୋଡ଼ା ସୋନୁ ସହ ତାର ବଡ଼ଭାଇ କାଶୀନାଥ ମହାପାତ୍ର (୪୫)ଙ୍କୁ ଗିରଫ କରିଛି ପୁଲିସ । ଗୁରୁବାର ଉଭୟଙ୍କୁ କୋର୍ଟ ଚାଲାଣ କରାଯାଇଥିବାବେଳେ ଜାମିନ୍ ନାମଞ୍ଜୁର ହେବାରୁ ଜେଲ୍ ପଠାଇ ଦିଆଯାଇଛି । କୁମ୍ଭାରପଡ଼ା ଥାନା ପରିସରରେ ଆୟୋଜିତ ସାମ୍ବାଦିକ ସମ୍ମିଳନୀରେ ହତ୍ୟାକାଣ୍ଡର କାରଣ ସମ୍ପର୍କରେ ସିଟି ଡିଏସ୍‌ପି ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି । ମୃତକ ପୁତୁରା ସଦର ଥାନା ଅଧୀନ ଛଇତନା ପଞ୍ଚାୟତ ଗଇଣ୍ଡୋଳ ଗ୍ରାମର ସୌମ୍ୟ ରଞ୍ଜନ ପ୍ରଧାନ ଓରଫ ଓମ୍ (୧୭)ଙ୍କ ଶବ ବ୍ୟବଚ୍ଛେଦ କରାଯାଇଛି । ପୁଅର ମୃତ୍ୟୁ ଖବର ପାଇବା ପରେ ଡାକ୍ତରଖାନା ବେଡ୍‌ରେ ଥିବା ଆହତ ବାପାମା’ଙ୍କ ଅବସ୍ଥା ସଙ୍ଗିନ ହୋଇଛି । ସିଟି ଡିଏସ୍‌ପି ଶ୍ରୀ ସାହୁଙ୍କ ସୂଚନା ଅନୁସାରେ ଉପରମାଳିସାହିର ସୋନୁ ସେହି ସାହିର ନନ୍ଦିନୀଙ୍କୁ ପ୍ରେମ ବିବାହ କରିଥିଲା । ତେବେ ଦାମ୍ପତ୍ୟ କଳହ ଯୋଗୁ ପତ୍ନୀକୁ ଆକ୍ରମଣ କରି ଜେଲ୍ ଯାଇଥିଲା ସୋନୁ । ଜାମିନ୍‌ରେ ଫେରିବା ପରେ ନିଜ ଘରେ ପୁଅକୁ ନେଇ ରହୁଥିଲା ସୋନୁ । ବାପଘରେ ଶିଶୁ କନ୍ୟାକୁ ନେଇ ନନ୍ଦିନୀ ରହୁଥିଲେ । ନନ୍ଦିନୀଙ୍କ ସହ ତାଙ୍କ ଭଉଣୀ ଓ ଭିଣୋଇ ମୃତ ସୌମ୍ୟଙ୍କ ମା’ଗୀତାରାଣି ଦାସ ଓ ବାପା ସୁକାନ୍ତ ପ୍ରଧାନଙ୍କ ସୁ ସମ୍ପର୍କ ଥିବାରୁ ସୋନୁ ଏହାକୁ ସହି କରିପାରୁନଥିଲା । ବୁଧବାର ପୂର୍ବାହ୍ନରେ ନନ୍ଦିନୀଙ୍କ ଘରେ ଗୀତାରାଣି ଓ ତାଙ୍କ ପରିବାରକୁ ଦେଖି ସୋନୁ ହତ୍ୟା ଧମକ ଦେଇଥିଲେ । ଏନେଇ ଗୀତାରାଣି କୁମ୍ଭାରପଡ଼ା ଥାନାରେ ଏତଲା ଦେଇଥିଲେ । ହେଲେ ଏହି ଅଭିଯୋଗକୁ ନେଇ ମାମଲା ରୁଜୁ କରି ନଥିଲା ପୁଲିସ । ଗୀତାରାଣି ଓ ନନ୍ଦିନୀ ଏହି ଘଟଣା ନେଇ ସୋନୁ ସହ ଏକ ସମାଧାନ କରିବା ପାଇଁ ତା ଘରକୁ ଯାଇଥିବାବେଳେ ସୋନୁ ରକ୍ତମୁଖା ହୋଇଥିଲା । ପ୍ରଥମେ ପୁତୁରା ସୌମ୍ୟର ଗଳା କାଟିବା ପରେ ପତ୍ନୀ ନନ୍ଦିନୀ, ଶାଶୂ ଟିକିନା, ଦେଢ଼ଶାଶୂ ଗୀତାରାଣି ଓ ସଡୁ ସୁକାନ୍ତଙ୍କୁ ଗୋଡ଼ାଇ ହାଣିଥିଲା । ଆକ୍ରମଣ ସମୟରେ ତାକୁ ଭାଇ କାଶୀନାଥ ସହଯୋଗ କରିଥିବା ଅଭିଯୋଗ ହୋଇଥିଲା ବୋଲି ପୁଲିସ କହିଛି । ସମସ୍ତଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିବାବେଳେ ସୌମ୍ୟଙ୍କୁ ଡାକ୍ତର ମୃତ ଘୋଷଣା କରି ଟିକିନା ଓ ସୁକାନ୍ତଙ୍କୁ ଏମ୍ସ ସ୍ଥାନାନ୍ତର କରିଥିଲେ । ଗୀତାରାଣି ଓ ନନ୍ଦିନୀଙ୍କୁ ସଦର ମୁଖ୍ୟ ଚିକିତ୍ସାଳୟରେ ରଖାଯାଇଥିଲା । ଏନେଇ ସୌମ୍ୟଙ୍କ ମାମୁ ବିଶ୍ୱରଞ୍ଜନ ଦାସଙ୍କ ଏତଲା କ୍ରମେ ପୁଲିସ ହତ୍ୟା ମାମଲା (୧୭୧/୨୩) ରୁଜୁ କରିଥିଲା । କାଶୀନାଥକୁ ଡାକ୍ତରଖାନାରୁ କାବୁ କରାଯାଇଥିବାବେଳେ ସୋନୁକୁ ସମଙ୍ଗରାରୁ ଧରିଥିଲା ପୁଲିସ । ହତ୍ୟାରେ ବ୍ୟବହୃତ ରକ୍ତ ଭିଜା ଛୁରି ସହ କାତି, ଲୁହା ରଡ୍ ଓ ହାତୁଡ଼ି ଜବତ କରିଛି ପୁଲିସ । ସେପଟେ ଗୀତାରାଣିଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିଲା । ସୁକାନ୍ତଙ୍କ ପେଟରୁ ଅନ୍ତବୁଜୁଳା ବାହାରି ପଡ଼ିଥିବାବେଳେ ଏମ୍ସରେ ତାଙ୍କର ଅସ୍ତ୍ରୋପଚାର କରାଯାଇଥିଲା । ଏହାପରେ ଉଭୟ ପୁଅକୁ ଖୋଜିଥିଲେ । ସୌମ୍ୟଙ୍କ ଶବ ବ୍ୟବଚ୍ଛେଦ ହେବା ପରେ ତାଙ୍କୁ ସ୍ୱର୍ଗଦ୍ୱାର ନିଆଯାଇଥିଲା । ଏହି ସମୟରେ ଗୀତାରାଣିଙ୍କୁ ପୁଅର ମୃତ୍ୟୁ ଖବର ଦିଆଯାଇଥିଲା । ଏହା ଶୁଣି ସେ ଚେତା ହରାଇଥିଲେ । ପରେ ମାନସିକ ଭାରସାମ୍ୟ ହରାଇ କଥା କହିପାରି ନଥିଲେ । ସେହିପରି ସୁକାନ୍ତ ମଧ୍ୟ ପୁଅ ମୃତ୍ୟୁ ଖବରକୁ ସହି ପାରି ନାହାନ୍ତି । ଉଭୟଙ୍କ ଅବସ୍ଥା ପୁଣି ସଙ୍ଗିନ ହୋଇଛି । ସେମାନଙ୍କ ଚିକିତ୍ସା ଜାରି ରହିଥିବା ପରିବାର ଲୋକେ କହିଛନ୍ତି । ବିଭିନ୍ନ ଥାନାରେ ପୋଡ଼ା ସୋନୁ ବିରୋଧରେ ବହୁ ମାମଲା ରହିଥିବା ପୁଲିସ କହିଛି । ଡକାୟତି ଯୋଜନା, ହଣାକଟା, ହତ୍ୟା ଉଦ୍ୟମ ଆଦି ନେଇ କୁମ୍ଭାରପଡ଼ା ଥାନାରେ ପୂର୍ବରୁ ୫ଟି ମାମଲାରେ ସେ ଜଡ଼ିତ ଥିବା ସିଟି ଡିଏସ୍‌ପି କହିଛନ୍ତି । ୧୨ ବର୍ଷର ପୁଅ ଶୁଭଙ୍କର ମହାନ୍ତିକୁ ପାଖରେ ରଖିଥିଲା ପୋଡ଼ା ସୋନୁ । ଅପରାଧ ଜୀବନ ବିତାଇବା ମଧ୍ୟରେ ହୋଡିଂ କାମ କରି ମଧ୍ୟ ପେଟ ପୋଷୁଥିଲା । ହତ୍ୟାକାଣ୍ଡ ପରେ ସେ ଫେରାର୍ ହୋଇଯାଇଥିଲା । ୪ ଘଣ୍ଟା ମଧ୍ୟରେ ତାକୁ ଗିରଫ କରାଯାଇଥିଲା । ପୁଅ ଶୁଭଙ୍କର ଆହତ ମା’ ନନ୍ଦିନୀ ପାଖକୁ ପଳାଇଥିଲା । ପୁଅ ତାକୁ ଝୁରୁଥିବ ବୋଲି କହି କୋର୍ଟ ଚାଲାଣ ସମୟରେ ଡାକ୍ତରଖାନାରେ କାନ୍ଦିଥିଲା ପୋଡ଼ା ସୋନୁ । ଗୋଟିଏ ପଟେ ସୌମ୍ୟ ଜୀବନ ନେଇ ୨ ବାପାମାଆଙ୍କ ଆଖିରେ ଲୁହ ଦେଇଥିବା ପୋଡ଼ା ସୋନୁ ନିଜ ପୁଅ କଥା ଭାବି କାନ୍ଦିବା ଘଟଣାକୁ ନେଇ ଡାକ୍ତରଖାନାରେ ଆଲୋଚନା ଯୋର୍ ଧରିଥିଲା । ପ୍ରାୟ ୧୦ ବର୍ଷ ତଳେ ବହୁ ଅପରାଧରେ ସମ୍ପୃକ୍ତ ଗିଲ୍ଟି କାଳୁ ସହ ଶତ୍ରୁତା ରଚିଥିଲା ପୋଡ଼ା ସୋନୁ । ଗିଲ୍ଟି କାଳୁର ଭାଇ ସୁଶାକୁ ହାଣି ଅବସ୍ଥା ସଙ୍ଗିନ କରିଥିଲା । ଏନେଇ ପୋଡ଼ା ସୋନୁ ବିରୋଧରେ ମାମଲା ରୁଜୁ ହୋଇଥିଲା । ସୁଶା ସୁସ୍ଥ ହେବା ପରେ ପୋଡ଼ା ସୋନୁର ମୁଣ୍ଡ ଗଡ଼ାଇବାକୁ ମୌକା ଖୋଜୁଥିଲା ଗିଲ୍ଟି କାଳୁ । ତେଣୁ ବାରମ୍ବାର ସହରରେ ଆତଙ୍କ ରଚିଥିଲେ ଦୁଇ ଗୋଷ୍ଠୀ । ଯାହା ପୁଲିସର ମୁଣ୍ଡ ବିନ୍ଧା ବଢ଼ାଇଥିଲା । ପ୍ରତିଶୋଧ ନେବାକୁ ମୌକା ନପାଇ ପୋଡ଼ା ସୋନୁର ଭାଇ କୁନାକୁ ୨୦୧୭ ମସିହାରେ ହାଣିଥିଲା ଗିଲ୍ଟି କାଳୁ । ଏନେଇ ଗିଲ୍ଟି କାଳୁ ବିରୋଧରେ ବି ମାମଲା ରୁଜୁ ହୋଇଥିଲା । କିନ୍ତୁ ପରେ ପୋଡ଼ା ସୋନୁ ବିରୋଧରେ ଥିବା ମାମଲାକୁ ସମାଧାନ କରିଥିଲା ଗିଲ୍ଟି କାଳୁ । କିନ୍ତୁ ଗିଲ୍ଟି କାଳୁ ବିରୋଧରେ ଥିବା ମାମଲାକୁ ସମାଧାନ କରିନଥିଲା ପୋଡ଼ା ସୋନୁ । ଫଳରେ ପୁଣି ବିବାଦ ମୁଣ୍ଡ ଟେକିଥିଲା ।

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

ଏମ୍‌ଏମ୍‌ଡିଆର୍ ପ୍ରସଙ୍ଗ ; ରାଜ୍ୟ ସ୍ୱାର୍ଥ ଅପେକ୍ଷା ବିଜେପି ସ୍ୱାର୍ଥକୁ ସୁରକ୍ଷା

August 30, 2026
ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

ଛାତ୍ର ସଂଗଠନକୁ ଗୁରୁମନ୍ତ୍ର ଦେଲେ ଅରୁଣ

August 30, 2026
ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

ଜିଲ୍ଲାସ୍ତରୀୟ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ

June 22, 2026
ବିଶ୍ୱ ଶିଶୁ ଶ୍ରମ ନିଷେଧ ଦିବସ

ବିଶ୍ୱ ଶିଶୁ ଶ୍ରମ ନିଷେଧ ଦିବସ

June 12, 2026
ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

ନୟାଗଡ଼ ରୋଟାରୀ କ୍ଲବ ପରିଦର୍ଶନ କଲେ ଜିଲ୍ଲା ଗଭର୍ଣ୍ଣର

June 7, 2026

© 2025 Baghuabarta. Designed & Developed by WebHunk International

No Result
View All Result
  • ରାଜ୍ୟ
  • ନୟାଗଡ
  • ଜାତୀୟ
  • ରାଜନୀତି
  • ଯୋଜନା ଓ ବିକାଶ
  • ଶିକ୍ଷା
  • ବାଣିଜ୍ୟ
  • କ୍ରୀଡ଼ା
  • ଅପରାଧ
  • ମନୋରଂଜନ
  • ଭିଡିଓ
WhatsApp chat
error: Content is protected !!