ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଦଶପଲ୍ଲା ପୂର୍ବତନ ବିଡିଓଙ୍କ ବାସଗୃହ ଉପରେ ଆକ୍ରମଣ ହୋଇଥିବା ଖବର ମିଳିଛି । ବିଡିଓ ଦେବୀ ପ୍ରସାଦ ମହାନ୍ତିଙ୍କ ବଦଳି ହୋଇ ସାରିଛି । ମାତ୍ର ସେ ତାଙ୍କ ଜିନିଷ ପତ୍ର ନେଇ ନଥିବାରୁ ଦଶପଲ୍ଲା ଛାଡ଼ି ନଥଲେ । ଆଜି ବିଡିଓ ଘରେ ଥିବା ବେଳେ କିଛି ଅସମାଜିକ ବ୍ୟକ୍ତି ବିଡିଓଙ୍କ ଘର ଉପରକୁ ଟେକା ପଥର ମାଡ଼ କରାଯାଇଥିବା ସୂଚନା ମିଳିଛି । ପୂର୍ବରୁ ଦଶପଲ୍ଲା ବ୍ଲକରେ ରାଜନୈତିକ ଅସ୍ଥିରତା ଲାଗି ରହିଥିବା ବେଳେ ଏବେ ବିଡିଓଙ୍କ ବଦଳି ହୋଇଛି । ଯାହାକୁ ନେଇ ତାଙ୍କ ଘରକୁ ପଥର ମାଡ଼ କରାଯାଇଥିବା ଅନୁମାନ କରାଯାଉଛି ।
