ଟାଙ୍ଗୀ, (ବାଘୁଆବାର୍ତ୍ତା): ଚୋରା ଦେଶୀ ମଦ କାରବାର ଚାଲିଥିବା ବେଳେ ମାଡି ବସିଲା ଅବକାରୀ ବିଭାଗ। ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଞ୍ଚଳରୁ ବିପୁଳ ପରିମାଣର ମଦ ଜବତ ହେବା ସହ ୨ ବେପାରୀଙ୍କୁ ଗିରଫ କରିଛି ଅବକାରୀ ବିଭାଗ। ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଞ୍ଚଳରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଚୋରା ମଦ କାରବାର। ବିଶେଷ ସୂତ୍ରରୁ ଖବର ପାଇ ଟାଙ୍ଗୀ ଅବକାରୀ ବିଭାଗ ଚଢାଉ କରିଥିଲା। ଜଣକୁ ଚଣ୍ଡେଶ୍ୱର ଗାଁ ମଧ୍ୟରୁ ଧରିଥିବା ବେଳେ ଆଉ ଜଣଙ୍କୁ କୁହୁଡି ଗାଁ ମଧ୍ୟରୁ ଧରିଛି। ଗିରଫ ହୋଇଥିବା ୨ ଅଭିଯୁକ୍ତ ହେଲେ ନବ ସାମନ୍ତସିଂହାର ଓ ସୁବାଷ ସାହୁ। ସେମାନଙ୍କ ନିକଟରୁ ବିପୁଳ ପରିମାଣରେ ମଦ ପାଉଚ୍ ଏବଂ ବାଇକ୍ ଜବତ ହୋଇଛି।





