ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଗଣିଆ ବନାଞ୍ଚଳ କର୍ମଚାରୀମାନେ ତିନିଜଣ ଶିକାରୀଙ୍କୁ ଗିରଫ କରିବା ସହ ଦେଶୀ ବନ୍ଧୁକ ଓ ଗୁଳି ଗୋଳା ଜବତ କରିଥିବା ଜଣାଯାଇଛି । ସୂଚନାନୁସାରେ, ଏହି ଶିକାରୀମାନେ ଶିକାର କରିବା ଉଦ୍ଦେଶ୍ୟରେ ବଙ୍କାମୁଣ୍ଡା ସଂରକ୍ଷିତ ଜଙ୍ଗଲରେ ବୁଲୁଥିବା ଖବରପାଇ ଗଣିଆ ବନାଂଚଳ କର୍ମଚାରୀମାନେ ଚଢ଼ାଉ କରିଥିଲେ । ଚଢ଼ାଉ ସମୟରେ ସେମାନଙ୍କଠାରୁ ଗୋଟିଏ ଦେଶୀ ବନ୍ଧୁକ ସହ ଗୁଳିଗୋଳା ଜବତ କରାଯାଇଥିବା ଖବର ମିଳିଛି । ଏହି ତିନିଜଣ ହେଲେ କାକୁଡ଼ିଖୋଲ ଗ୍ରାମର ପ୍ରମୋଦ ପ୍ରଧାନ, କେନ୍ଦୁଆବିଡ଼ା ଗ୍ରାମର ଅଜୟ କୁମାର ସିଂ ଓ ମନ ସିଂ । ସେମାନଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି ।
