ଭୂବନେଶ୍ୱର,(ବାଘୁଆବାର୍ତ୍ତା ବ୍ୟୁରୋ): ଓଡ଼ିଶାରେ କରୋନା ଆକ୍ରାନ୍ତ ସଂଖ୍ୟା ଭୟାବହ ଭାବେ ବଢ଼ି ଚାଲିଛି । ରାଜ୍ୟରେ ନୂଆ ୧୩୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୨୯୯୪ରେ ପଂହଚିଛି । ସେଥିମଧ୍ୟରେ ୧୨୫ ଜଣ ସଂଗରୋଧ କେନ୍ଦ୍ରରେ ରହିଥିବା ବେଳେ ୧୩ଟି ବାହ୍ୟ ପଜେଟିଭ ବୋଲି ସୂଚନା ମିଳିଛି । ଅନ୍ୟପକ୍ଷରେ, ମୋଟ କରୋନା ଆକ୍ରାନ୍ତଙ୍କ ମଧ୍ୟରୁ ୧୦୮୯ଟି ମାମଲା ସକ୍ରିୟ ରହିଥିବା ଜଣାଯାଇଛି । ସେଥିମଧ୍ୟରେ ଯାଜପୁରରୁ ୬, ଖୋର୍ଦ୍ଧାରୁ ୧୩, ରାୟଗଡ଼ା ୧, ମୟୁରଭଂଜ ୬, ନୟାଗଡ଼ ୩, ଢେଙ୍କାନାଳ ୩, କଟକ ୧୫, କଳାହାନ୍ଡି ୨, କେନ୍ଦୁଝର ୧୦, କନ୍ଧମାଳ ୧୦, ଭଦ୍ରକ ୧୧, ଗଂଜାମ ୩୩, ସମ୍ବଲପୁର ୧, ବଲାଙ୍ଗିର ୧, ସୁନ୍ଦରଗଡ଼ ୧୨, ନୂଆପଡ଼ା ୩, ପୁରୀ ୭, କେନ୍ଦ୍ରାପଡ଼ା ଜିଲ୍ଲାରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ନୟାଗଡ଼ ଜିଲ୍ଲାର ପୂର୍ବ ଆକ୍ରାନ୍ତଙ୍କୁ ମିଶାଇ କରୋନା ଆକ୍ରାନ୍ତ ସଂଖ୍ୟା ୯୦ ଛୁଇଁଛି ।
