ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବାର ଆସୋସିଏସନର ବରିଷ୍ଠ ଆଇନଜୀବି ଚିତ୍ତ ପଟ୍ଟନାୟକ ଓରଫ ଛାଟିଆ ଭାଇଙ୍କ ଆଜି ସକାଳୁ ପରଲୋକ ଘଟିଛି । ଶ୍ରୀଯୁକ୍ତ ପଟ୍ଟନାୟକ ଦୀର୍ଘଦିନ ହେଲା ସ୍ୱାସ୍ଥ୍ୟଗତ ସମସ୍ୟାରେ ପିଡିତ ଥିଲେ । ହସ୍ପିଟାଲରୁ ଆସି ସେ ଘରେ ଚିକିତ୍ସା ହେଉଥିଲେ l ଆଜି ଭୋର ସାଢ଼େ ତିନିଟା ସମୟରେ ଶ୍ରୀଯୁକ୍ତ ପଟ୍ଟନାୟକ ଇହଧାମ ତ୍ୟାଗ କରିଥିଲେ । ଶ୍ରୀଯୁକ୍ତ ପଟ୍ଟନାୟକ ଜଣେ ମେଳାପି ଓ ପରୋପକାରୀ ବ୍ୟକ୍ତି ଥିଲେ ତେଣୁ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି l ଶ୍ରୀଯୁକ୍ତ ପଟ୍ଟନାୟକଙ୍କ ପରଲୋକରେ ପୁଅ, ବୋହୂ, ଝିଅ, ଜ୍ୱାଇଁ ନାତି ନାତୁଣୀ ଭାଙ୍ଗି ପଡିଛନ୍ତି । ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ଶ୍ରୀଯୁକ୍ତ ପଟ୍ଟନାୟକଙ୍କ ପରଲୋକରେ ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି ।
