କୃଷକ ନେତା ଜଗା ପଣ୍ଡାଙ୍କ ପରଲୋକ

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ବିଜୁ କୃଷକ ଜନତା ଦଳର ଜିଲ୍ଲା ସଭାପତି ଜଗନ୍ନାଥ ପଣ୍ଡାଙ୍କ ଆଜି ମଧ୍ୟାହ୍ନ ସମୟରେ ପରଲୋକ ଘଟିଛି । ଶ୍ରୀଯୁକ୍ତ ପଣ୍ଡା ଦୀର୍ଘଦିନ ହେଲା ସ୍ୱାସ୍ଥ୍ୟଗତ ସମସ୍ୟାରେ ପିଡିତ ଥିଲେ । ସ୍ୱର୍ଗତ ଭାଗତ ବେହେରାଙ୍କ ଅମଳରୁ ରାଜନୀତି ସହ ସଂଶ୍ଲୀଷ୍ଟ ଥିଲେ । ଶ୍ରୀଯୁକ୍ତ ପଣ୍ଡା ଜଣେ ମେଳାପି ଓ ପରୋପକାରୀ ବ୍ୟକ୍ତି ଥିଲେ । ବିଜୁ ଛାତ୍ର ଜନତା ଦଳର ଜିଲ୍ଲା ସଭାପତି ନୀଳମାଧବ ପଣ୍ଡାଙ୍କ ପିତା ଜଗନ୍ନାଥ ପଣ୍ଡାଙ୍କର ମଧ୍ୟାହ୍ନରେ ପରଲୋକ ଘଟିଛି । ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ଶ୍ରୀଯୁକ୍ତ ପଣ୍ଡାଙ୍କ ପରଲୋକରେ ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ହରିପୁର ବାସଭବନରେ ଜିଲ୍ଲାପରିଷଦ ସଦସ୍ୟ ସୁବାଷ ଚନ୍ଦ୍ର କଅଁର, କ୍ଷୀରୋଦ କୁମାର ମହାପାତ୍ରଙ୍କ ସହ ବହୁ ଜନପ୍ରତିନିଧି ପହଞ୍ଚି ଶୋକ ବ୍ୟକ୍ତ କରିଛନ୍ତି ।