ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ମା’ ଫାଉଣ୍ଡେସନ ଆନୁକୂଲ୍ୟରେ ଲକ୍ଷ୍ମୀପ୍ରସାଦ ଗ୍ରାମପଞ୍ଚାୟତର ଡାହୁକ ନଦୀ ପଠାରେ ବିଶ୍ୱ ପରିବେଶ ଦିବସ ପାଳନ କରାଯାଇଛି । ପରିବେଶବିତ୍ ସୁବାସ ଚନ୍ଦ୍ର ନାୟକଙ୍କ ଦ୍ୱାରା ଜିଲ୍ଲାରେ ଏକହଜାର ବର ଅଶ୍ୱତ୍ଥ ଗଛ ଲଗାଇବା ପାଇଁ ଦେଇଥିବା ଆହ୍ୱାନକୁ ସମ୍ମତି ଓ ସଂକଳ୍ପ ପୂର୍ବକ ଆଜି ପରିବେଶ ଦିବସରେ ମା’ ଫାଉଣ୍ଡେସନ ବର ଅଶ୍ୱତ୍ଥ ସୋସାଇଟି ତରଫରୁ ଲକ୍ଷ୍ମୀପ୍ରସାଦ ପଞ୍ଚାୟତର ଡାହୁକା ନଦୀପଠାରେ ୧୦୦ଟି ଗଛ ରୋପଣ କରାଯିବାକୁ ଥିବା ବେଳେ ଆଜି ୩୦ଟି ଗଛ ଲଗାଯାଇଛି । ଏହି କାର୍ଯ୍ୟକ୍ରମରେ ପରିବେଶବିତ୍ ତଥା ପ୍ରକୃତିବନ୍ଧୁ ସୁବାସ ଚନ୍ଦ୍ର ନାୟକ, ସମାଜସେବୀ ଦାମୋଦର ସାହୁ, ଚନ୍ଦ୍ରବିଜୟୀ ମିଶ୍ର ଓ ଲକ୍ଷ୍ମୀପ୍ରସାଦର ବହୁ ବୃକ୍ଷପ୍ରେମୀ ମହିଳା ଓ ସମାଜସେବୀ ଉପସ୍ଥିତ ରହି ବିଶ୍ୱ ପରିବେଶ ଦିବ ପାଳନ ସହିତ ବର ଅଶ୍ୱତ୍ଥ ଗଛ ରୋପଣ କାର୍ଯ୍ୟକ୍ରମରେ ସହଯୋଗ କରିଥିଲେ । ଏହି କାର୍ଯ୍ୟକ୍ରମକୁ ମା’ ଫାଉଣ୍ଡେସନ ସମ୍ପାଦକ ରଞ୍ଜନରଶ୍ମି ଜେନା, ସଭାପତି ତଥା ଲକ୍ଷ୍ମୀପ୍ରସାଦ ଗ୍ରାମପଞ୍ଚାୟତର ସରପଞ୍ଚ ସୌମ୍ୟରଞ୍ଜନ ପ୍ରଧାନଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା ।
