ନୟାଗଡ଼, (ବାଘୁଆବାର୍ତ୍ତା): ଆଜି ଅପରାହ୍ନରେ ଏକ ସୁଇଫ୍ଟ କାର ସହ ବାଇକ ଦୁର୍ଘଟଣାରେ ଜଣଙ୍କର ମୃତ ଘଟିଛି । ମୃତକ ଜଣଙ୍କ ହେଲେ ଦଶପଲ୍ଲା ଅଞ୍ଚଳର ବସନ୍ତ ଜାନି । ଆଜି ଖୋର୍ଦ୍ଧା ବୋଲଗଡ଼ ତାରିଣୀ ମନ୍ଦୀର ଛକରେ ଦୁର୍ଘଟଣାଟି ଘଟିଛି । ସୁଚନାନୁସାରେ ଭୁବନେଶ୍ୱରରୁ ଏକ ବାଇକ ଯୋଗେ ଦଶପଲ୍ଲା ଅଞ୍ଚଳର ବସନ୍ତ ଜାନି, ପ୍ରଭାତ ଜାନି ଓ ଦିଲ୍ଲୀପ ଜାନି ଦଶପଲ୍ଲା ଫେରୁଥିବା ବେଳେ ବୋଲଗଡ଼ ଠାରେ ଫୁଲବାଣୀ ଅଞ୍ଚଳରୁ ଭୁବନେଶ୍ୱର ଯାଉଥିବା ଏକ କାର ମୁହାଁମୁହିଁ ଧକ୍କା ହୋଇଥିଲା । ଘଟଣାସ୍ଥଳରେ ବସନ୍ତ ଜାନିଙ୍କର ମୃତ ହୋଇଥିଲା । କାର ଡ୍ରାଇଭର ଫେରାର ହୋଇଥିବା ବେଳେ ବୋଲଗଡ଼ ପୁଲିସ ଛାନଭିନ୍ କରିଥିଲା । ଉକ୍ତ କାର ଭିତରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଥିବା ସୁଚନା ମିଳିଛି । ଆଜି ବୋଲଗଡ଼ ପୁଲିସ ପକ୍ଷରୁ ଛାନଭିନ କରାଯାଇ ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ମାପ କରାଯିବାର ସୁଚନା ରହିଛି । ଅନ୍ୟ ଦୁଇଜଣ ଆହତ ମେଡିକାଲରେ ଚିକିତ୍ସିତ ହେଉଛନ୍ତି ।





