ପଦ୍ମପୁର, (ବାଘୁଆବାର୍ତ୍ତା): ଭିଜିଲାନ୍ସ ପଞ୍ଝାରେ ପୋଲିସ ବାବୁ। ବରଗଡ଼ ଜିଲ୍ଲା ଗାଇସିଲେଟ ଆଇଆଇସି ବୀରବର ଭଗତଙ୍କ ଘରେ ଭିଜିଲାନ୍ସ ରେଡ୍। ଏକାସାଙ୍ଗେ ବିଭିନ୍ନ ସ୍ଥାନରେ ଚାଲିଛି ଚଢାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗାଇସିଲେଟ ଥାନା ଅଧିକାରୀ ବିରବର ଭଗତଙ୍କ ଘରେ ଚଢାଉ କରିଛି ଭିଜିଲାନ୍ସ । ତେବେ ଚଢାଉ ହେଉଥିବା ସ୍ଥାନ ମଧ୍ୟରେ ରହିଛି ସମ୍ବଲପୁର ସ୍ଥିତ ଘର, ଗାଇସିଲେଟ ସ୍ଥିତ ସରକାରୀ ବାସଭବନ ଓ ଗାଇସିଲେଟ ଥାନା । ବୀରବର ଭଗତ ପଦ୍ମପୁର ଉପଖଣ୍ଡରେ ବହୁ ଦିନ ହେବ ବିଭିନ୍ନ ଥାନା ଗୁଡ଼ିକରେ କାର୍ୟ୍ୟ କରି ଆସୁଛନ୍ତି। ତେବେ ଏବେ ଯାଏଁ କେତେ ପରିମାଣର ସମ୍ପତ୍ତି ଜବତ ହୋଇଛି । ମିଳିଥିବା ସୁଚନା ମୁତାବକ ତାଙ୍କ ଅଫିସ ଓ ବାସଗୃହରୁ ୫୦ ହଜାର ଟଙ୍କା ଓ ସୁନା ମିଳିଛି । ସେନେଇ ସବିଶେଷ ତଥ୍ୟ ଭିଜିଲାନ୍ସ ପକ୍ଷରୁ ଦିଆଯାଇନାହିଁ । ରେଡ୍ ଶେଷ ହେବା ପରେ ଭିଜିଲାନ୍ସ ପକ୍ଷରୁ ଏହି ତଥ୍ୟ ଦିଆଯିବ ବୋଲି ସୂଚନା ରହିଛି ।





