ନୟାଗଡ଼, (ବାଘୁଆବାର୍ତ୍ତା): ପାକିସ୍ତାନ ଲିଙ୍କ ଓ ଓଟିପି ଓଟିପି ସେୟାରିଙ୍ଗ ସ୍କାମ ମାମଲାରେ ଏସଟିଏଫ୍ ୩ ଜଣଙ୍କୁ ଗିରଫ କରିଛି । ସେମାନଙ୍କ ମଧ୍ୟରେ ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ବଡ଼ପଣ୍ଡୁସର ଗ୍ରାମର ଆଇଟିଆଇ ଶିକ୍ଷକ ପଠାଣି ସାମନ୍ତ ଲେଙ୍କା, ଦଶପଲ୍ଲା ସାକେଣୀ ଗ୍ରାମର ସରୋଜ କୁମାର ନାୟକ ଯାଜପୁରର ସୌମ୍ୟ ପଟନାୟକ ରହିଥିବା ସୂଚନା ମିଳିଛି । ସେମାନଙ୍କ ନିକଟରୁ ୧୯ ଟି ଦାମୀ ମୋବାଇଲ, ୪୭ଟି ସିମକାର୍ଡ, ୬୧ଟି ଏଟିଏମ୍ କାର୍ଡ ଓ ୨୩ଟି ସିମ କଭର ଜବତ କରିଛି ଏସଟିଏଫର । ଓଟିପି ସେୟାରିଙ୍ଗ ସ୍କାମ କରି କିଛି ପାକିସ୍ଥାନୀ ଇଣ୍ଟେଲିଜେନ୍ସ ଅଧିକାରୀ ଓ ଆଇଏସଆଇ ଏଜେଣ୍ଟମାନଙ୍କୁ ଲିଙ୍କ ଜେନେରେଟ କରି ତଥ୍ୟ ଦେଉଥିଲେ ଅଭିଯୁକ୍ତ । ଏଥିପାଇଁ ଭାରତରେ ଥିବା ପାକିସ୍ତାନୀ ଏଜେଣ୍ଟ ମୋଟା ଅଙ୍କର ଅର୍ଥ ଦେଉଥିଲେ । ସୋସିଆଲ ମିଡ଼ିଆ ପ୍ଳାଟଫର୍ମ, ହ୍ୱାଟ୍ସଆପ, ଟେଲିଗ୍ରାମ, ଇନଷ୍ଟାଗ୍ରାମରେ ବିଭିନ୍ନ ଆକାଉଣ୍ଟ କରି ପାକିସ୍ଥାନୀ ଏଜେଣ୍ଟଙ୍କୁ ଲିଙ୍କ ସେୟାର କରୁଥିଲେ ଅଭିଯୁକ୍ତମାନେ । ଏହି ଲିଙ୍କ ମାଧ୍ୟମରେ ପାକିସ୍ତାନୀ ଏଜେଂଟମାନେ ଆତଙ୍କବାଦୀଙ୍କ ସହ ଯୋଗାଯୋଗ କରୁଥିଲେ । ମାନବଚାଲାଣ, ହନି ଟ୍ର୍ରାପ ଓ ଦେଶ ବିରୋଧୀ ପ୍ର୍ରଚାର କରୁଥିଲେ ଏଜେଂଟ । ଗତ ବର୍ଷ ରାଜସ୍ଥାନରେ ହନିଟ୍ରାପ ମାମଲାରେ ଧରାଯାଇଥିବା ମହିଳା ପିଆଇଓ ଏଜେଣ୍ଟଙ୍କ ସହ ଯୋଗାଯୋଗରେ ଥିଲେ ଏହି ୩ ଅଭିଯୁକ୍ତ । ଦେଶଦ୍ରୋହ ମାମଲାରେ ସଂପୃକ୍ତ ଥିବା ୩ ଯୁବକଙ୍କୁ ରିମାଣ୍ଡରେ ନେବାକୁ ଯୋଜନା କରିଛି ଏସଟିଏଫ । ଗତ ୨୦୨୨ ଡିସେମ୍ବର ମାସରେ ଜଲାପାଇଗୁଡିଠାରେ ଗୁଡୁକୁମାର ନାମକ ବ୍ୟକ୍ତିକୁ ଗିରଫ କରାଯାଇଥିଲା । ଗୁଡୁକୁମାରକୁ ଏହି ୩ ଜଣ ମୋବାଇଲ ସିମ ବକ୍ସ ଯୋଗାଇଥିଲେ । ଯାହାକୁ ଆଧାର କରି ଗିରଫ କରାଯାଇଛି । ଏସଟିଏଫ ଇଣ୍ଟେଲିଜେନ୍ସ ଲିଙ୍କରେ ଥିବା ସୁଚନା ଦେଇଛନ୍ତି ଆଇଜି ଜୟନାରାୟଣ ପଙ୍କଜ ।





