ନୟାଗଡ଼ (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଅବକାରୀ ବିଭାଗ ଗଞ୍ଜେଇ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି । ଅବକାରୀ ବିଭାଗ ଫୁଲୁବାଣୀରୁ ଭୁବନେଶ୍ୱର ଯାଉଥିବା ଏକ ବୋଲେରୋକୁ ନୟାଗଡ଼ ମଜୁରିଆପଲ୍ଲୀ ଭୈରବୀ ମନ୍ଦିର ନିକଟରେ ଅଟକାଇଥିଲା ।
ଉକ୍ତ ଗାଡ଼ିରେ ଗମେଣ୍ଟ ଡ୍ୟୁଟି ଲେଖାଯାଇଥିଲା । ଅବକାରୀ ବିଭାଗ ଅଚାନକ ବୋଲେରୋ ସମେତ ୨ ଜଣଙ୍କୁ ଧରିଥିବା ବେଳେ ବାର କେଜି ଗଞ୍ଜେଇ ଜବତ କରିବାରେ ସକ୍ଷମ ହୋଇଛି । ଅନ୍ୟଜଣେ ସହଯୋଗୀ ଏକ ବସ୍ତା ଗଞ୍ଜେଇ ଧରି ଫେରାର ହୋଇଥିବା ଜଣାପଡିଛି ।
ଉକ୍ତ ଗାଡ଼ିରେ ଦୁଇଜଣ ଯୁବତୀ ଲିଫ୍ଟ ଯୋଗେ ଆସିଥିବା କହିବାରୁ ସେମାନଙ୍କୁ ସେଠାରୁ ଛାଡି ଦେଇଥିବା ସୂଚନା ମିଳିଛି । ଗିରଫ ଦୁଇ ଜଣ ହେଲେ ଫୁଲୁବାଣୀ ଫିରିଙ୍ଗିଆର ସେବକ ଡିଗାଲ ଏବଂ ନୟାଗଡ଼ ହରେକୃଷ୍ଣପୁର ପୂର୍ଣ୍ଣଚନ୍ଦ୍ର ଖଣ୍ଡା ବୋଲି ଜଣାପଡିଛି ।





