ଟ୍ରେନ ଧକ୍କାରେ ଅଜଣା ବ୍ୟକ୍ତିଙ୍କ ମୃତ୍ୟୁ

ନୟାଗଡ଼, (ବାଘୁଆବାର୍ତ୍ତା); ଟ୍ରେନ ଧକାଁରେ ଜଣେ ବୟସ୍କ ବ୍ୟକ୍ତିଙ୍କର ମୃତ୍ୟୁ ହୋଇଥିବା ଜଣାପଡିଛି । ବ୍ୟକ୍ତିଙ୍କ ଘର ରାଜସୁନାଖଳା ଅଞ୍ଚଳର ବୋଲି ସୂଚନା ମିଳିଥିଲେ ମଧ୍ୟ ପରିଚୟ ମିଳିପାରିନାହିଁ । ସୂଚନାନୁସାରେ, ଆଜି ରାତ୍ର ୭ଟା ସମୟରେ ଖୋର୍ଦ୍ଧା ରୋଡ଼ରୁ ନୟାଗଡ଼ ଅଭିମୁଖେ ଆସୁଥିବା ପାସେଞ୍ଜର ଟ୍ରେନ ବୋଲଗଡ଼ ଷ୍ଟେସନ ଅଟିକିଥିଲା । ତେବେ ଟ୍ରେନଟି ବୋଲଗଡ଼ ଷ୍ଟେସନ ଛାଡିବା କ୍ଷଣି ଜଣେ ବୟସ୍କ ବ୍ୟକ୍ତି ଜଣଙ୍କ ଟ୍ରେନ ସହ ଧକ୍କା ହୋଇଥିଲା । ବୟସ୍କ ବ୍ୟକ୍ତି ଜଣଙ୍କ ମୁଣ୍ଡରେ ଜୋର ଆଘାତ ଲାଗିଥିବାରୁ ଟ୍ରେନ ଅଟଳାଇ ସ୍ଥାନୀୟ ଲୋକ ଟ୍ରେନ ଚାଳକ ଉକ୍ତ ବ୍ୟକ୍ତଙ୍କୁ ଉଦ୍ଧାର କରି ଚିକିତ୍ସା ପାଇଁ ଟ୍ରେନରେ ନୟାଗଡ଼ ଷ୍ଟେସନ ଆଣିଥିଲେ । ନୟାଗଡ଼ ଷ୍ଟେସନ ଠାରୁ ଆମ୍ବୁଲାନ୍ସ ମାଧ୍ୟମରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଆଣିଥିଲେ । ତେବେ ଡାକ୍ତର ତାଙ୍କୁ ମୃତ ଷୋଘଣା କରିଥିବା ଜଣାପଡିଛି । ତେବେ ଉକ୍ତ ବ୍ୟକ୍ତିର ପରିଚୟ ମିଳିପାରିନଥିବା ବେଳେ ସେ ଜଣେ ଅଟୋ ଚାଳକ ଏବଂ ତାଙ୍କ ଘର ରାଜସୁନାଖଳା ଅଞ୍ଚଳରେ ବୋଲି ସୂଚନା ମିଳିଛି । ପୋଲିସ୍ ମୃତ ଶରୀର ଜବତ କରି ଶବ ବ୍ୟବଛେଦ କରିବା ଶବ ବ୍ୟବଛେଦ ଗୃହରେ ରଖିଥିବା ସୂଚନା ମିଳିଛି ।