ଭୁବନେଶ୍ୱର, (ବାଘୁଆବାର୍ତ୍ତା): ସାମ୍ନାକୁ ଆସିଲା ୪ ଚୋରଙ୍କ ୪୦ କାହାଣୀ । ମେକାନିକ୍ କରୁଥିଲେ ବାଇକ ଚୋରି । ବାଇକକୁ ଚୋରି କରି ତାର ବିଭିନ୍ନ ପାର୍ଟକୁ ଅଲଗା ଅଲଗା କରି ବିକ୍ରି କରିଦେଉଥିଲେ । କେବଳ ଏତିକି ନୁହେଁ ଡକାୟତିରେ ଏହି ଚୋରି ବାଇକକୁ ବ୍ୟବହାର କରୁଥିଲେ । ଏହିଭଳି ଏକ ବାଇକ ଚୋର ଗ୍ୟାଙ୍ଗକୁ ବାନ୍ଧିଛି କ୍ୟାପିଟାଲ ଥାନା ପୋଲିସ । ବିଶେଷ କରି ହାଟ, ଜନଗହଳିପୂର୍ଣ୍ଣ ସ୍ଥାନ ଏବଂ ପାର୍କିଂ ହୋଇଥିବା ଜାଗାକୁ ରେକି କରୁଥିଲେ । ଆଉ ରେକି କରିବାର ୫ ମିନିଟ ଭିତରେ ଅତି ଚତୁରତାର ସହିତ ବାଇକ ହେଉ କି ସ୍କୁଟି ତାକୁ ଗାଏବ କରିଦେଉଥିଲେ ।
ସହରରେ ଘଟୁଥିବା ବିଭିନ୍ନ ଚୋରି ଓ ଡକାୟତି ଘଟଣାରେ ଏହି ସବୁ ଚୋରି ବାଇକ ବ୍ୟବହାର କରାଯାଉଥିବା ନେଇ ଡିସିପି ସୂଚନା ଦେଇଛନ୍ତି । ଏହି ୪ ଜଣିଆ ଅନ୍ତଃରାଜ୍ୟ ଲୁଟେରାଙ୍କ ମୁଖିଆ ହେଉଛି ସୁକାନ୍ତ କୁମାର ରେଡି । ଆଉ ୩ ଅଭିଯୁକ୍ତ ହେଉଛନ୍ତି ପଶ୍ଚିମବଙ୍ଗ ମେଦିନପୁର ଅଞ୍ଚଳର । ଏମାନେ ସମସ୍ତେ ବସ୍ତି ଅଞ୍ଚଳରେ ରହି ଚୋରି କରନ୍ତି । ବାଇକକୁ ଚୋରି କରିବା ପରେ ଏହାର ବିଭିନ୍ନ ପାର୍ଟ ଅଲଗା ଅଲଗା କରି ବିକ୍ରି କରନ୍ତି ।





