ନୟାଗଡ଼,(ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ବାଣିଗୋଛା ଥାନା ଅନ୍ତର୍ଗତ ବାଣିଗୋଛା ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଛି । ପାରିବାରିକ କଳହକୁ କେନ୍ଦ୍ରକରି ଥାନାରେ ଅଟକ ଥିବା ଗ୍ରାମର ଜଣେ ଯୁବକ କୈାଶଳକ୍ରମେ ବାଣିଗୋଚ୍ଛା ଥାନାରୁ ଖସି ଆସି ଗ୍ରାମର କୋଠଘରେ ବେକ କାଟିଥିବା ଜଣାପଡ଼ିଛି । ସୂଚନାନୁସାରେ, ବାଣିଗୋଛା ଗ୍ରାମର ଗୈାରାଙ୍ଗ ନାୟକଙ୍କ ଘରେ ଗତକାଲି ପାରିବାରିକ କଳହ ଲାଗି ରହିଥିଲା । ଯାହାକୁ ନେଇ ପରିବାର ଲୋକ ପୁଅ ସରୋଜଙ୍କ ନାମରେ ଥନାରେ ଅଭିଯୋଗ କରିଥିଲେ । ପୁଲିସ୍ ସରୋଜଙ୍କୁ ଥାନାରେ ଅଟକ ରଖିଥିବା ବେଳେ ଆଜି ପୂର୍ବାହ୍ନରେ ସରୋଜ କୈାଶଳକ୍ରମେ ଥାନାରୁ ଖସି ଯାଇଥିଲେ । ସରୋଜ ଗ୍ରାମ କୋଠଘରେ ବସିଥିବା ବେଳେ ଥାନାର ଜଣେ ଗ୍ରାମରକ୍ଷୀ ତାଙ୍କୁ ଧରିବାକୁ ଯାଇ ବାହାରୁ ସିଙ୍ଖୁଳା ଦେଇ ଦେଇଥିଲେ । କବାଟ ଖୋଲିବା ସମୟରେ ତାଙ୍କ ବେକ କଙ୍କି ସହ ସେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ି ରହିଥିବା ଜଣାଯାଇଛି । ତାଙ୍କୁ ଉଦ୍ଧାର କରାଯାଇ ଦଶପଲ୍ଲା ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସିଥିବା ବେଳେ ସେ ପାଲଟା ଗ୍ରାମରକ୍ଷୀ ଏବଂ ପୁଲିସଙ୍କ ବିରୋଧରେ ଅଭିଯୋଗ ଆଣିଛନ୍ତି । ତାଙ୍କ କହିବା ଅନୁଯାୟୀ ଗତକାଲି ଠାରୁ ପୁଲିସ ତାଙ୍କୁ ଥାନାରେ ଅଟକ ରଖିବା ସହ ମାରଧର କରିଥିଲେ । ଏପରିକି ସକାଳୁ ପୁଲିସ ଘାସ ବାଛିବାକୁ କହିବାରୁ ସେ ଥାନାରୁ ଖସି ଆସିଥିବା କହିଛନ୍ତି । ମଧ୍ୟାହ୍ନରେ କୋଠଘରେ ଥିବା ବେଳେ ଥାନାର ଗ୍ରାମରକ୍ଷୀ କୃଷ୍ଣ ତାଙ୍କ ବେକ କାଟି ବାହାରୁ ସିଙ୍କୁଳା ପକାଇ ଚାଲି ଆସିଥିବା ପ୍ରକାଶ କରିଛନ୍ତି । ଯାହାକୁ ବାଣିଗୋଚ୍ଛା ପୁଲିସର ଢିଲା ପଣିଆ ପଦାରେ ପଡ଼ିଛି । ଥାନାରେ ଅଟକ ଥିବା ବ୍ୟକ୍ତି କିଭଳି ଖସି ଗଲେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି ।
