ନୟାଗଡ଼, (ବାଘୁଆବାର୍ତ୍ତା): ପୂର୍ବ ଶତୃତାକୁ କେନ୍ଦ୍ରକରି ଖଣ୍ଡପଡ଼ା ଥାନା ଅଧିନ ଢୋଲମରା ପଂଚାୟତର ସରପଂଚ ସୁଶାନ୍ତ କୁମାର ବେହେରାଙ୍କ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ କୁଳମଣି ସ୍ୱାଇଁଙ୍କୁ ପୋଲିସ ରବିବାର ଦିନ ଗିରଫ କରି ଖଣ୍ଡପଡା ଥାନା ହାଜତରେ ଅଟକ ରଖିଥିଲା । ସୋମବାର ଦିନ ଅଭିଯୁକ୍ତକୁ ନୟାଗଡ଼ କୋର୍ଟକୁ ଚାଲାଣ କରାଯାଇଥିଲା । କୋର୍ଟରେ ଜାମିନ ନାମାଜଂରୁ ହେବାରୁ ତାକୁ ନୟାଗଡ଼ ଜେଲକୁ ପଠାଇ ଦିଆଯାଇଥିବା ଜଣାପଡିଛି । ହତ୍ୟାକାଣ୍ଡ ଘଟଣା ସଂପର୍କରେ କୁଳମଣି ଖଣ୍ଡପଡ଼ା ପୋଲିସ ଆଗରେ ବୟାନ ରଖିଥିବା ବେଳେ ହତ୍ୟା ଘଟଣାରେ ବ୍ୟବହୃତ ଧାରୁଆ ଅସ୍ତ୍ର ଓ ରକ୍ତ ଭିଜା ଲୁଗାପଟାକୁ ପୁଲିସ ଜବତ କରିଥିବା ଜଣାଯାଇଛି ।
