ମାର୍ଟିକ୍ ପରୀକ୍ଷା ଖାତାଦେଖା ଗୋଟିଏ ଦିନ ଘୁଂଚିଲା: ମନ୍ତ୍ରୀ

ଭୁବନେଶ୍ୱର, (ବାଘୁଆବାର୍ତ୍ତା ବ୍ୟୁରୋ): ସାମୁଦ୍ରିକ ଝଡ ଅମ୍ଫାନ ପାଇଁ ମାର୍ଟିକ୍ ପରୀକ୍ଷାର ଖାତାଦେଖା ଗୋଟିଏ ଦିନ ଘୁଂଚିଲା । ଏହା ପୂର୍ବ ନିର୍ଦ୍ଧାରିତ ଚଳିତ ମାସ ୨୦ ତାରିଖ ପରିବର୍ତ୍ତେ ୨୧ ତାରିଖରେ ଅନୁଷ୍ଠିତ ହେବ ବୋଲି ରାଜ୍ୟ ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ଶ୍ରୀ ସମୀର ରଞ୍ଜନ ଦାଶ ପ୍ରକାଶ କରିଛନ୍ତି । ଏଥି ସହିତ ଯୁକ୍ତ ୨ (+୨) ପରୀକ୍ଷା ଜୁଲାଇ ମାସରେ ଅନୁଷ୍ଠିତ ହେବ ଏବଂ ଏହାର ନିର୍ଦ୍ଦିଷ୍ଟ ତାରିଖ ପରବର୍ତୀ ସମୟରେ ପ୍ରକାଶ ପାଇବ । ପୂର୍ବରୁ ଅନୁଷ୍ଠିତ +୨ (ଯୁକ୍ତ ୨) ଛାତ୍ରଛାତ୍ରୀମାନଙ୍କର ଯେଉଁ ବିଷୟରେ ପରୀକ୍ଷା ଶେଷ ହୋଇଯାଇଛି, ସେସବୁର ଖାତାଦେଖା କାର୍ଯ୍ୟ ଜୁନ୍ ମାସରେ ଅନୁଷ୍ଠିତ ହେବ ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ଦାଶ ପ୍ରକାଶ କରିଛନ୍ତି ।