ନୟାଗଡ଼,(ବାଘୁଆବାର୍ତ୍ତା): କରୋନା ମହାମାରିରେ ଦେଶ କବଳିତ ହେଉଛି । ଏପରିକି ସାରା ରାଜ୍ୟରେ ବିଭିନ୍ନ ଅନୁଷ୍ଠାନ ପକ୍ଷରୁ ଗରୀବ ଅସହାୟମାନଙ୍କୁ ସାହାଯ୍ୟ ସହଯୋଗର ହାତ ବଢାଇ ଆସୁଛନ୍ତି । କିଛି ଉତ୍ସାହୀ ଛାତ୍ର, ଯୁବକ ନିଜ ପକେଟରୁ କିଛି ଟଙ୍କା ବାହାର କରି ଅସହାୟ, ନିଃସହାୟ ଓ ଗରୀବ ଲୋକଙ୍କୁ ଶୁଖିଲା ଖାଦ୍ୟ ବଣ୍ଟନ କରିଥିବା ଦେଖିବାକୁ ମିଳିଛି । କାଳିକାପ୍ରସାଦ ପଞ୍ଚାୟତର କିଛି ଯୁବକ ମୁଣ୍ଡପିଛା ଆଦାୟ କରି ଚାଉଳ, ଡାଲି, ଆଳୁ, ପିଆଜ, ଲୁଣ, ତେଲ, ସାବୁନ୍, ମାସ୍କ ପରି ସାମଗ୍ରୀ ୫୦ରୁ ଊର୍ଦ୍ଧ୍ୱ ପରିବାରକୁ ବଣ୍ଟନ କରିଛନ୍ତି । ଉକ୍ତ ଗ୍ରାମର ଛାତ୍ର ସୁଶାନ୍ତ ନାୟକ, ଆମେନ୍ ବାସୁଦେବ, ମନୋରଞ୍ଜନ ଜେନା ଓ ଅରୂପନନ୍ଦ ରାଉତ ପ୍ରମୁଖ ମିଳିତ ଭାବେ ଏଭଳି କାର୍ଯ୍ୟ କରିଛନ୍ତି । ଯାହାକୁ ନେଇ ଉକ୍ତ ପଞ୍ଚାୟତରେ ବୁଦ୍ଧିଜୀବୀମାନେ ସେମାନଙ୍କୁ ପ୍ରଶଂସା କରିଛନ୍ତି ।
