ନୟାଗଡ଼, (ବାଘୁଆବାର୍ତ୍ତା): ୨୦୧୬ ମସିହାର ବହୁ ଚର୍ଚ୍ଚିତ ମାମଲାରେ ୪ ୱାରେଣ୍ଟିଙ୍କୁ ଗିରଫ କରିଛି ନୟାଗଡ଼ ସଦର ପୋଲିସ l ଅଭିଯୁକ୍ତ ମାନେ ଖୁଣ୍ଟୁବନ୍ଧ ହିଞ୍ଜିଳିଗାଡ଼ିଆ ଗାଁର ରଙ୍କମାଳି ପାଳ, ମଦନ ବରାଡ଼, କହ୍ନେଇ ସାହୁ, ଭିକାରୀ ହାତୀ ବୋଲି ଜଣାପଡିଛି l ୨୦୧୬ ମସିହାରେ ଖୁଣ୍ଟୁବନ୍ଧ ଗ୍ରାମର କିଛି ଲୋକଙ୍କ ସହ କାଜୁ ବଗିଚାକୁ ନେଇ ଝଗଡା ଉଗ୍ର ରୂପ ନେଇଥିଲା l ପରେ କାଜୁ ବଗିଚା ଜାଳିଦେଇଥିଲେ ଅଭିଯୁକ୍ତ ମାନେ l ଯାହାକୁ ନେଇ ଚର୍ଚ୍ଚାକୁ ଆସିଥିଲା ଖୁଣ୍ଟୁବନ୍ଧ ଗାଁ l ପୋଲିସ ଉକ୍ତ ମାମଲାରେ କିଛି ଲୋକଙ୍କୁ ଗିରଫ କରିଥିବା ବେଳେ ଏହି ୪ ଅଭିଯୁକ୍ତ ଫେରାର ଥିଲେ l ସେମାନଙ୍କ ନାମରେ ମାନ୍ୟବର SDJM କୋର୍ଟରେ GR case no-୯/୨୦୧୬ ରେ ୱାରେଣ୍ଟ ଜାରି କରିଥିଲେ l ଗତକାଲି ଅର୍ଥାତ ମଙ୍ଗଳବାର ରାତିରେ ଅଭିଯୁକ୍ତ ମାନଙ୍କୁ ଗିରଫ କରିଛି ନୟାଗଡ଼ ସଦର ପୋଲିସ l ଆଜି ସେମାନଙ୍କ ସ୍ୱାସ୍ଥ୍ୟଗତ ପରୀକ୍ଷା ପରେ ଜେଲକୁ ପଠାଇ ଦିଆଯାଇଛି ବୋଲି ନୟାଗଡ଼ ସଦର ଥାନା ଅଧିକାରୀ ଦୀପକ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି l





