ବୋଲେରୋ ଓଲଟି ଚାଲିଗଲା ନିରୀହ ଜୀବନ

ଆନନ୍ଦପୁର, (ବାଘୁଆବାର୍ତ୍ତା): ଆନନ୍ଦପୁର ଉପଖଣ୍ଡ ନନ୍ଦିପଦା ଥାନା ମରୈଗାଁ ଛକ ନିକଟରେ ଭାରସାମ୍ୟ ହରାଇ ଏକ ବୋଲେରୋ ଓଲଟି ପଡିବାରୁ ୨ଜଣ ଯତ୍ରୀ ଗୁରୁତର ଆହତ ହୋଇଥିବାବେଳେ ଜଣେ ଶିଶୁର ମୃତ୍ୟୁ ହୋଇଛି । ଆହତଙ୍କୁ ସ୍ଥାନୀୟ ଲୋକେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିବା ଜଣାପଡ଼ିଛି । ସୂଚନା ଅନୁସାରେ, ଭଦ୍ରକ ଜିଲ୍ଲା ବାସୁଦେବପୁର ଥାନା ବାରହାପୁର ଗାଁର ଉମାକାନ୍ତ ସାହୁଙ୍କ ପରିବାର ନିଜ ନାତିର ଚୁଟିପକାଇ ଘଟଗାଁ ମା’ ତାରିଣୀଙ୍କ ନିକଟରୁ ଫେରିବା ସମୟରେ ଏହି ଦୁର୍ଘଟଣା ଘଟିଥିଲା । ଦୁଇଟି ବୋଲେରେ ଉମାକାନ୍ତଙ୍କ ପରିବାର ଓ ତାଙ୍କ ଝିଅଙ୍କ ପରିବାର ଫେରୁଥିବା ସମୟରେ ଝିଅ, ଜ୍ବାଇଁ ଓ ନାତି ବସିଥିବା ବୋଲେରୋ ଦୁର୍ଘଟଣା ଗ୍ରସ୍ତ ହୋଇଥିଲା । ମୃତ ଶିଶୁ ପ୍ରିୟବ୍ରତ, ଉମାକାନ୍ତଙ୍କ ଝିଅର ପୁଅ ବୋଲି ଜଣାପଡିଛି । ଗାଡି ଚଲାଇବା ସମୟରେ ଡ୍ରାଇଭର ଆଖି ଲାଗିଯିବାରୁ ରାସ୍ତକଡରେ ଥିବା ବାଲି ଓ ଚିପ୍ସ ଗଦା ଉପରେ ଗାଡି ଚଢିଯାଇ ଦୁର୍ଘଟଣା ଗ୍ରସ୍ତ ହୋଇଥିଲା । ନନ୍ଦିପଦା ପୋଲିସ୍ ଘଟଣାସ୍ଥଳରେ ପହଁଞ୍ଚି ତଦନ୍ତ ଚଳାଇଛି ।