ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ନିର୍ବାଚନ ମଣ୍ଡଳୀରେ ଗତ ପଞ୍ଚାୟତ ଓ ପୌର ନିର୍ବାଚନରେ ବିଜେଡି ଦବଦବା ଦେଖାଇଛି । ନୟାଗଡ଼ ପୌର ନିର୍ବାଚନରେ ବିଜେଡି ରେକର୍ଡ ସଂଖ୍ୟକ ସମସ୍ତ ସିଟ ହାସଲ କରିଥିବା ବେଳେ, ପଞ୍ଚାୟତ ନିର୍ବାଚନରେ ନୟାଗଡ଼ ଓ ଓଡ଼ଗାଁ ବ୍ଲକକୁ ନିଜ ଅକ୍ତିଆରକୁ ଆଣିଛି । ନିର୍ବାଚନ ପରେ ପରେ ଆଜି ବିଜୁ ଜନତା ଦଳ କାର୍ଯ୍ୟାଳୟରେ ବିଜୁ ଛାତ୍ର, ଯୁବ ଛାତ୍ର ଓ ଦଳୀୟ କର୍ମକର୍ତ୍ତାଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଓ ଉଚ୍ଚ ଶିକ୍ଷା ମନ୍ତ୍ରୀ ଡଃ.ଅରୁଣ କୁମାର ସାହୁ ଛାତ୍ର, ଯୁବ ଓ କର୍ମକର୍ତ୍ତାଙ୍କୁ ମନ୍ତ୍ର ସାଙ୍ଗଠନିକ ମନ୍ତ୍ର ଦେଇଛନ୍ତି । ଦଳକୁ ଅଧିକ ଶକ୍ତିଶାଳୀ କରିବା ପାଇଁ ପ୍ରତ୍ୟେକ ସଂଗଠନକୁ ସୁଦୃଢ଼ କରିବା ପାଇଁ ପରାମର୍ଶ ଦେଇଛନ୍ତି । ଗତ ନିର୍ବାଚନରେ ଯୁବ ଛାତ୍ରମାନେ ସଠିକ ଭାବରେ କାର୍ଯ୍ୟ କରିଥିବାରୁ ଡଃ.ସାହୁ ସେମାନଙ୍କୁ ସାଧୁବାଦ ଜଣାଇଥିଲେ । ଏତଦ୍ ବ୍ୟତୀତ ସୋଶିଆଲ ମିଡିଆକୁ ଅଧିକ କ୍ରିୟାଶୀଳ କରିବା ପାଇଁ ପରାମର୍ଶ ଦେଇଛନ୍ତି । ପ୍ରତ୍ୟେକ ବର୍ଗର ସଙ୍ଗଠନ ସୁଦୃଢ଼ ହେଲେ ବିଜୁ ଜନତା ଦଳ ମଜବୁତ ହେବ ବୋଲି ମନ୍ତ୍ରୀ ପ୍ରକାଶ କରିଥିଲେ । ଉକ୍ତ ବୈଠକରେ ଜିଲ୍ଲା ବିଜୁ ମହିଳା ସଭାନେତ୍ରୀ ତଥା ଜିଲ୍ଲା ପରିଷଦ ବିରଜା ଲକ୍ଷ୍ମୀ ସାହୁ, ଜିଲ୍ଲାପରିଷଦ ଝିଲ୍ଲି ପ୍ରଧାନ, ସରୋଜ ରଣସିଂ, ଆଶିଷ ଅଗ୍ରୱାଲ, କ୍ଷୀରୋଦ ମହାପାତ୍ର, ସୁବାସ କଅଁର, ନୟାଗଡ଼ ବ୍ଲକ ଚେୟାରମ୍ୟାନ କିଶୋର ଚନ୍ଦ୍ର ସାହୁ, ଉପାଧ୍ୟକ୍ଷ ଲକ୍ଷ୍ମୀପ୍ରିୟା ସାହୁ, ନୟାଗଡ଼ ଜିଲ୍ଲା ଯୁବ ବିଜେଡି ସଭାପତି ରମେଶ କୁମାର ସାହୁ, ନୟାଗଡ଼ ଜିଲ୍ଲା ଛାତ୍ର ବିଜେଡି ସଭାପତି ନିଳମାଧବ ପଣ୍ଡା, ନୟାଗଡ଼ ବ୍ଲକ ଯୁବ ବିଜେଡି ସଭାପତି ଦୁର୍ଯ୍ୟୋଧନ ବେହେରା, ଓଡ଼ଗାଁ ବ୍ଲକ ଯୁବ ବିଜେଡି ସଭାପତି ଅର୍ଜୁନ ସାହୁ ଙ୍କ ସମେତ ନୟାଗଡ଼ ନିର୍ବାଚନ ମଣ୍ଡଳୀର ସମସ୍ତ ଦଳୀୟ କାର୍ଯ୍ୟକର୍ତ୍ତା ଯୋଗ ଦେଇଥିଲେ ।
ନିର୍ବାଚନ ପରେ ବିଜୁ ଛାତ୍ର, ଯୁବଙ୍କୁ ମନ୍ତ୍ର ଦେଲେ ମନ୍ତ୍ରୀ
