ଭୁବନେଶ୍ୱର, (ବାଘୁଆବାର୍ତ୍ତା): ବ୍ରଜରାଜନଗର ଉପନିର୍ବାଚନ ପାଇଁ କଂଗ୍ରେସ, ବିଜେପି ଓ ବିଜେଡି ପକ୍ଷରୁ ରଣକ୍ଷେତ୍ର ପ୍ରସ୍ତୁତ କରାଯାଇଛି । ପ୍ରତ୍ୟେକ ଦଳ ନିର୍ବାଚନ ଜିତିବା ପାଇଁ ପ୍ରଚାର ମୈଦାନକୁ ଓହ୍ଲାଇଲେଣି । ଏହି ପରିପ୍ରେକ୍ଷୀରେ ବ୍ରଜରାଜନଗର ଉପନିର୍ବାଚନ ନିମନ୍ତେ ବିଜେଡି ପକ୍ଷରୁ ନିର୍ବାଚନ ପରିଚାଳନା ପାଇଁ ମନ୍ତ୍ରୀ ନବ ଦାସଙ୍କୁ ସଂପୂର୍ଣ୍ଣ ଦାୟିତ୍ବ ଦିଆଯାଇଥିବା ବେଳେ ତାଙ୍କ ସହିତ ଜିଲ୍ଲା ପର୍ୟ୍ୟବେକ୍ଷକ କଟକ ମେୟର ସୁବାସ ସିଂ ଓ ସହ ପର୍ୟ୍ୟବେକ୍ଷକ ବିଷ୍ଣୁ କେଡ଼ିଆ ରହିଛନ୍ତି। ବିଜେଡି ପକ୍ଷରୁ ଏକ କେନ୍ଦ୍ରୀୟ ଟିମ୍ ଗଠନ କରାଯାଇ ସେଥିରେ ସାଂସଦ ପ୍ରସନ୍ନ ଆଚାର୍ୟ୍ୟ, ମନ୍ତ୍ରୀ ନିରଞ୍ଜନ ପୂଜାରୀ, ବିଧାୟକ ଦେବୀ ପ୍ରସାଦ ମିଶ୍ର ଓ ମନ୍ତ୍ରୀ ଅରୁଣ ସାହୁଙ୍କୁ ଦାୟିତ୍ୱ ଦିଆଯାଇଛି। ବ୍ରଜରାଜନଗର ପୌରାଞ୍ଚଳରେ ମନ୍ତ୍ରୀ ପ୍ରତାପ ଜେନା, ଯୋଜନା କମିସନ ଉପାଧ୍ୟକ୍ଷ ସଂଜୟ ଦାସବର୍ମା, ବିଧାୟକ ଦେବେଶ ଆଚାର୍ୟ୍ୟଙ୍କୁ ଦାୟିତ୍ୱ ଦିଆଯାଇଛି। ବେଲପାହାଡ଼ ପୌରାଞ୍ଚଳ ପାଇଁ ମନ୍ତ୍ରୀ ସୁଶାନ୍ତ ସିଂ, ବିଧାୟକ ଅତନୁ ସବ୍ୟସାଚୀ, ଙ୍କୁ ଦାଇତ୍ଵ ଦିଆଯାଇଛି। ସେହିପରି ବିଧାୟକ ଚନ୍ଦ୍ର ସାରଥୀ ବେହେରା କଣ୍ଢେଇକେଲା ଓ ରେମତା ଜିପି ଦାୟିତ୍ୱ, ବିଧାୟକ ପ୍ରିତିରଂଜନ ଘଡ଼େଇଙ୍କୁ ଚାରପାଲି ଓ ପିଥିଣ୍ଡା, ବିଧାୟକ ରଜେନ୍ଦ୍ର ଡ଼ୋଲକିଆଙ୍କୁ କନକତୋରା ଓ ବାଦିମାଲ ଜିପି, ପୁଷ୍ପେନ୍ଦ୍ର ସିଂଦେଓଙ୍କୁ ଅତାବିରା ଓ ଭିକମପାଲି ଜିପି, ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ପଞ୍ଚଗାଁ ଓ ପଲସଦା, ବିଧାୟକ ରୋହିତ ପୂଜାରୀଙ୍କୁ ମଚିଦା ଓ କତରବଗା ଗ୍ରାମପଂଚାୟତର ଦାୟିତ୍ୱ ଦିଆଯାଇଛି। ସେହିପରି ବିଧାୟକ ପ୍ରଶାନ୍ତ ବେହେରାଙ୍କୁ ଜାମଗାଁ ଓ ସମରବଗା, ବିଧାୟକ ବିକ୍ରମ ପଣ୍ଡାଙ୍କୁ କଦମଡିହି ଓ ଭଅଁରଖୋଲ, ବିଧାୟିକା ଲତିକା ପ୍ରଧାନଙ୍କୁ ବାଘମୁଣ୍ଡା ଓ ଲଖନପୁର, ବିଧାୟକ ପ୍ରଦୀପ କୁମାର ଦିସାରିଙ୍କୁ ସୁନାରି, ପଣ୍ଡରି ଓ ପିପିଲିମାଲ, ବିଧାୟକ କିଶୋର ନାଏକଙ୍କୁ କୁଡ଼ାଲୋଇ ଓ ବଞ୍ଜାରୀ, ବିଧାୟକ ସରୋଜ ମେହେରଙ୍କୁ ରେମେଣ୍ଡା ଓ କୁସ୍ରାଲୋଇ, ଯୋଗେଶ ସିଂଙ୍କୁ ତେଲେନପାଲି ଓ କୁମାରବନ୍ଧ, ସୌଭାଗ୍ୟ ନାଏକଙ୍କୁ ଦଲଗାଁ ଓ ପିପିଲିକାନି, ମୁକେଶ ପାଲ, ଗୌତମ ବୁଦ୍ଧ ଦାସ ଓ ମିହିର ରାୟଙ୍କୁ ରମ୍ପେଲା ଓ ତିଲିଆ, ମନ୍ତ୍ରୀ ସମୀର ଦାସଙ୍କୁ ବନ୍ଧବାହାଲ ଓ ସରଣ୍ଡାମାଲ ଦାୟିତ୍ୱ ଓ ମିଡିଆ ସଂଯୋଜକ ଭାବରେ ପିଣ୍ଟୁ ପାଢ଼ୀଙ୍କୁ ଦାୟିତ୍ୱ ଦିଆଯାଇଥିବା ନେଇ ସୁଚନା ମିଳିଛି।
ବ୍ରଜରାଜନଗର ଉପନିର୍ବାଚନ : ବିଜେଡି ପକ୍ଷରୁ ବିଭିନ୍ନ ନେତାଙ୍କୁ ଦାୟିତ୍ୱ ବଣ୍ଟନ
