ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ପୌରାଞ୍ଚଳରେ ଆଜି ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଓ ଉଚ୍ଚ ଶିକ୍ଷା ମନ୍ତ୍ରୀ ଡଃ. ଅରୁଣ କୁମାର ସାହୁ ବିଭିନ୍ନ ପ୍ରକଳ୍ପ ବୁଲି ସଠିକ ସମୟରେ କାର୍ଯ୍ୟ ସମାପ୍ତ କରିବା ପାଇଁ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଛନ୍ତି । ନୟାଗଡ଼ ଖେଳ ପଡିଆ କାର୍ଯ୍ୟକୁ ତ୍ୱରାନ୍ୱିତ କରିବା ସହ ଜାତୀୟ ରାଜପଥର ଡ୍ରେନେଜ କାର୍ଯ୍ୟ ସମାପ୍ତ କରିବା ସହ ସଫେଇ କରିବା ପାଇଁ ପରାମର୍ଶ ଦେଇଛନ୍ତି । ବର୍ଷା ପୂର୍ବରୁ ସମସ୍ତ ଡ୍ରେନ ଗୁଡ଼ିକ ସଫା କରିବା ସହ ସହରକୁ ସରଶ ସୁନ୍ଦର କରିବା ପାଇଁ ପରାମର୍ଶ ଦେଇଛନ୍ତି । ଏଥିସହିତ ଦେବୋତ୍ତର କଲୋନିରେ ଚାଲିଥିବା ଡ୍ରେନେଜ କାର୍ଯ୍ୟ ବର୍ଷା ପୂର୍ବରୁ ଶେଷ କରିବା ପାଇଁ ବିଭାଗିୟ ଅଧିକାରୀଙ୍କୁ ପରାମର୍ଶ ଦେଇଛନ୍ତି । ଇନ୍ଡୋର ଷ୍ଟାଡିୟମ କାର୍ଯ୍ୟ ତ୍ୱରାନ୍ୱିତ କରିବା ସହ, ବଡ଼ ଟ୍ରକ ରହିବା ପାଇଁ ଯେଉଁ ସ୍ଥାନ ନିରୁପଣ କରାଯାଇଛି ଉକ୍ତ ସ୍ଥାନରେ ପାନୀୟ ଜଳର ସୁବିଧା କରିବା ପାଇଁ ପରାମର୍ଶ ଦେଇଛନ୍ତି । ଏଥିସହିତ ନୟାଗଡ଼ ବଲାଙ୍ଗି ପାର୍କ ଜାଇ ସମସ୍ତ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ଡଃ.ସାହୁ ପରାମର୍ଶ ଦେଇଛନ୍ତି । ଉକ୍ତ କାର୍ଯ୍ୟକ୍ରମରେ ନୟାଗଡ଼ ପୌରାଞ୍ଚଳର ଅଧ୍ୟକ୍ଷା ନିରୁପମା ଖଟେଇ, ଉପାଧ୍ୟକ୍ଷ ଗୁରୁପ୍ରସାଦ ଜେନା, ନୟାଗଡ଼ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ଓଡ଼ଗାଁ ବ୍ଲକ ଅଧ୍ୟକ୍ଷ ଲୋକନାଥ ସାହୁ, ଜିଲ୍ଲା ପରିଷଦ ସରୋଜ ରଣସିଂ ଓ ନୟାଗଡ଼ ପୌରାଞ୍ଚଳର ସମସ୍ତ କାଉନସିଲର ମାନେ ଯୋଗ ଦେଇଥିଲେ । ସମସ୍ତ ବିଭାଗର ଅଧିକାରିମାନେ ଉକ୍ତ କାର୍ଯ୍ୟକ୍ରମରେ ସାମିଲ ହୋଇଥିଲେ ।
ପୌରାଞ୍ଚଳର ସମସ୍ତ ବିକାଶ ମୁଳକ କାର୍ଯ୍ୟ ବର୍ଷା ପୂର୍ବରୁ ସାରିବା ପାଇଁ ଅରୁଣଙ୍କ ପରାମର୍ଶ
