ରାଜ୍ୟସଭା ଉପନିର୍ବାଚନ ପାଇଁ ମେ ୨୬ରୁ ନାମାଙ୍କନ ପତ୍ର ଦାଖଲ, ଜୁନ୍ ୧୩ରେ ଭୋଟ୍ ଗ୍ରହଣ

ଭୁବନେଶ୍ଵର, (ବାଘୁଆବାର୍ତ୍ତା): ରାଜ୍ୟସଭା ଉପନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି। ସୁବାସ ସିଂଙ୍କ ଇସ୍ତଫା ପରେ ଖାଲି ଥିବା ପଦବୀ ପୂରଣ ପାଇଁ ଏହି ଉପନିର୍ବାଚନ ହେବ। କଟକ ମେୟର ଭାବେ ନିର୍ବାଚିତ ହେବା ପରେ ଇସ୍ତଫା ଦେଇଥିଲେ ସୁବାସ। ଉପନିର୍ବାଚନରେ ନିର୍ବାଚିତ ସଦସ୍ୟ ୨୦୨୬ ଏପ୍ରିଲ୍ ଯାଏଁ ରହିବେ। ଉପନିର୍ବାଚନ ପାଇଁ ମେ ୨୬ ରୁ ଜୁନ୍ ୨ ତାରିଖ ପର୍ୟ୍ୟନ୍ତ ନାମାଙ୍କନ ଦାଖଲ ହେବ। ସେହିପରି ଜୁନ୍ ୩ରେ ନାମାଙ୍କନ ପତ୍ର ଯାଞ୍ଚ୍ ହେବ। ୬ ତାରିଖ ପର୍ୟ୍ୟନ୍ତ ନାମାଙ୍କନ ପ୍ରତ୍ୟାହାର କରିପାରିବେ ପ୍ରାର୍ଥୀ। ଆବଶ୍ୟକ ହେଲେ ଜୁନ୍ ୧୩ରେ ଭୋଟ୍ ଗ୍ରହଣ ହେବ। ଜୁନ୍ ୧୩ ସକାଳ ୯ଟାରୁ ଅପରାହ୍ନ ୪ଟା ଯାଏଁ ଭୋଟ୍ ଗ୍ରହଣ ହେବ। ଜୁନ୍ ୧୩ ତାରିଖ ଅପରାହ୍ନ ୫ଟାରେ ଭୋଟ୍ ଗଣତି ହେବ।