ନୟାଗଡ଼, (ବାଘୁଆବାର୍ତ୍ତା): ନବ ନିର୍ବାଚିତ ପ୍ରତିନିଧି ମାନେ ନିର୍ବାଚିତ ହେଲାପରେ ଦେଇଥିବା ପ୍ରତିଶୃତି ପାଳନ କରୁଥିବା ନଜିର ରହିଛି । ନିର୍ବାଚିତ ହେଲାପରେ ପ୍ରତି ଗାଁ କୁ ଗାଁ ଯାଇ ସ୍ଥାନୀୟ ଜନସାଧାରଣଙ୍କ ସହ ମିଶୁଛନ୍ତି ଓ ଗାଁ ଉନ୍ନୟନମୂଳକ କାର୍ୟ୍ୟ ଉପରେ ଆଲୋଚନା କରି ସମାଧାନର ବାଟ ଫିଟାଉଥିବା ବେଳେ ୧୩ନଂ ଜୋନର ଜିଲ୍ଲା ପରିଷଦ ସଭ୍ୟ କ୍ଷୀରୋଦ ମହାପାତ୍ର ଆଜି ଅଚାନକ ବିଭିନ୍ନ ସ୍କୁଲ ପରିଦର୍ଶନ କରିଛନ୍ତି । ସ୍କୁଲ ପରିଦର୍ଶନ ସମୟରେ କ୍ଷେତ୍ରିବରପୁର ସରକାରୀ ପ୍ରାଇମେରୀ ବିଦ୍ୟାଳୟରେ ଛାତ୍ରଛାତ୍ରୀମାନେ ମଧ୍ୟାହ୍ନ ଭୋଜନ କରୁଥିବା ବେଳେ ହଠାତ୍ ଛାତ୍ର ଛାତ୍ରୀଙ୍କ ମେଳରେ ଚକା ପକାଇ ବସି ପଡିଥିଲେ । ଏବଂ ମଧ୍ୟାହ୍ନ ଭୋଜନ ଦେବାକୁ କହିଥିଲେ । ଛାତ୍ର ଛାତ୍ରୀମାନଙ୍କ ସହ ଜିଲ୍ଲା ପରିଷଦ ମଧ୍ୟାହ୍ନ ଭୋଜନ କରି ମଧ୍ୟାହ୍ନ ଭୋଜନର ମାନ ପରୀକ୍ଷା କରିଥିଲେ । ଉନ୍ନତ ମାନର ମଧ୍ୟାହ୍ନ ଭୋଜନ ଛାତ୍ର ଛାତ୍ରୀମାନଙ୍କୁ ଦିଆଯାଉଥିବାରୁ ଜିଲ୍ଲା ପରିଷଦ ସଭ୍ୟ ପାଚିକାଙ୍କୁ ପ୍ରଶଂସା କରିଥିଲେ । ତତ୍ ସହିତ ଦୁଇ ଜଣ ଶିକ୍ଷକ ଥିଲେ ମଧ୍ୟ ଉନ୍ନତ ମାନର ଶିକ୍ଷା ପ୍ରଦାନ କରାଯାଉଥିବା ବେଳେ ବିଦ୍ୟାଳୟ ପରିସର ସ୍ବଚ୍ଛତା ଦେଖି ଖୁସି ପ୍ରକଟ କରିଥିଲେ । ଏବଂ ବିଦ୍ୟାଳୟରେ ପାନୀୟ ଜଳ ସମସ୍ୟା ଦେଖା ଦେଇଥିବା ଯୋଗୁଁ ଏହାର ସମାଧାନ କରିବା ପାଇଁ ଜିଲ୍ଲା ପରିଷଦ ସଭ୍ୟ କ୍ଷୀରୋଦ ମହାପାତ୍ର ପ୍ରତିଶ୍ରୁତି ଦେଇଛନ୍ତି । ଜିଲ୍ଲା ପରିଷଦ ସଭ୍ୟଙ୍କ ଏଭଳି ଅଚାନକ ଗସ୍ତକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଥିବା ବେଳେ ଆଗାମୀ ଏହାକୁ ଆହୁରି ଅଗ୍ରଗତି କରାଯିବ ବୋଲି କହିଛନ୍ତି ଶ୍ରୀ ମହାପାତ୍ର ।
ଛାତ୍ର ଛାତ୍ରୀ ମାନଙ୍କ ସହ ମଧ୍ୟାହ୍ନ ଭୋଜନ କଲେ ଜିଲ୍ଲାପରିଷଦ କ୍ଷୀରୋଦ
