ଶଗଡ଼ ଗାଡ଼ିକୁ ଧକ୍କା ଦେଲା ମାଲବାହୀ ଟ୍ରକ୍

ଦେବଗଡ଼, (ବାଘୁଆବାର୍ତ୍ତା): ଶଗଡ଼ ଗାଡ଼ିକୁ ଧକ୍କା ଦେଲା ମାଲବାହୀ ଟ୍ରକ୍। ଚକା ତଳେ ଚାପି ହୋଇଚାଲି ଦୁଇଟି ବଳଦଙ୍କ ମୃତ୍ୟୁ ଘଟିଥିବା ବେଳେ ଦୁଇଟି ବଳଦ ଗୁରୁତର ଆହତ ହୋଇଛନ୍ତି। ଏଥିସହିତ ଶଗଡ଼ ଗାଡି ନେଇ ଯାଉଥିବା ଦୁଇଟି ଦମ୍ପତି ଦୁର୍ଘଟଣାରେ ଆହତ ହୋଇଛନ୍ତି। ସମସ୍ତଙ୍କୁ ସ୍ଥାନୀୟଲୋକ ଉଦ୍ଧାର ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଜାଳେଣୀ କାଠ ସଂଗ୍ରହ କରିବାକୁ ଯାଉଥିବା ବେଳେ ଦେବଗଡ଼ ଜିଲ୍ଲା କୁଣ୍ଢେଇଗୋଳା ଥାନା ଅନ୍ତର୍ଗତ ଅସନପାଳ ଗ୍ରାମ ନିକଟରେ ଘଟିଛି। ଏହାକୁ ନେଇ ସ୍ଥାନୀୟ ଅଞ୍ଚଳରେ ଚାପାଉତ୍ତେଜନା ଦେଖିବାକୁ ମିଳିଛି। ସୂଚନା ମୁତାବିକ, ଗୁରୁବାର ଭୋର ସମୟରେ ଦେବଗଡ ଜିଲ୍ଲା କୁଣ୍ଢେଇଗୋଳା ଥାନା ଅନ୍ତର୍ଗତ ଅସନପାଳ ଗ୍ରାମ ରାଞ୍ଚି-ବିଜୟୱାଡା ରାସ୍ତାରେ ଦୁର୍ଘଟଣା ଘଟିଛି। ଦୁଇ ଦମ୍ପତି ଶଗଡ଼ା ଗାଡିରେ ଜଳେଣୀ କାଠ ସଂଗ୍ରହ କରିବାକୁ ଯାଉଥିବା ବେଳେ ଏକ ମାଲ ବୋଝେଇ ଟ୍ରକ ଧକ୍କା ଦେଇଥିଲା ଟ୍ରକ ଧକ୍କାରେ ଦୁଇ ବଳଦଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଟି ବଳଦ ଗୁରୁତର ଆହତ ହୋଇଛନ୍ତି। ୪ ଜଣ ଆହତ ହୋଇଛନ୍ତି। ଆହତ ହୋଇଥିବା ଦମ୍ପତି ନିକଟସ୍ଥ ରଞ୍ଜଣା ଗ୍ରାମର ନାରାୟଣ ଦେହୁରୀ ଓ ତାଙ୍କ ସ୍ତ୍ରୀ କୁଡାଣୀ ଦେହୁରୀ ଏବଂ ଖଗେଶ୍ବର ସାହୁ ଓ ତାଙ୍କ ସ୍ତ୍ରୀ ରୁନୁ ସାହୁ ବୋଲି ଜଣାପଡିଛି। ଆହତ ନାରାୟଣ ଓ ତାଙ୍କ ସ୍ତ୍ରୀ ଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେହିପରି ଖଗେଶ୍ବର ଓ ତାଙ୍କ ସ୍ତ୍ରୀ ଙ୍କୁ ଛେଣ୍ଡିପଦା ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିବା ବେଳେ ଉତ୍ୟକ୍ତ ଲୋକେ ରାସ୍ତାରୋକ କରିଛନ୍ତି । ଫଳରେ ରାଞ୍ଚି- ବିଜୟୱାଡା ରାସ୍ତା ରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଛି।