ରେଳ ଚଳାଚଳ ବିକାଶର ପଥ ପଦର୍ଶକ : ଅରୁଣ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ମାନଚିତ୍ରରେ ଆଜିଠାରୁ ବିକାଶର ଆଉ ଏକ ଫର୍ଦ୍ଦ ଯୋଡ଼ି ହେବା ସହ ରେଳ ଚଳାଚଳ ବିକାଶର ପଥ ପଦର୍ଶକ ରେଳ ଚଳାଚଳ ଶୁଭାରମ୍ଭ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଯୋଗ ଦେଇଥିବା ମନ୍ତ୍ରୀ ଅରୁଣ କୁମାର ସାହୁ ତାଙ୍କ ବକ୍ତବ୍ୟରେ କହିଛନ୍ତି । ପଶ୍ଚିମ ଓଡ଼ିଶା ଓ ପୂର୍ବ ଓଡ଼ିଶା ମଧ୍ୟରେ ଖୋର୍ଦ୍ଧା ବଲାଙ୍ଗିରୀ ରେଳପଥ ସଂଯୋଗତାର ମୁଖ୍ୟ ମାଧ୍ୟମ ହେବ ବୋଲି କହିବା ସହ ଏହି ରେଳପଥ ନିର୍ମାଣ ପାଇଁ ଶୀବାଜି ପଟ୍ଟନାୟକ, ପିନାକୀ ମିଶ୍ର, ସୈାମ୍ୟ ରଂଜନ ପଟ୍ଟନାୟକ ଏବଂ ପସନ୍ନ ପାଟ୍ଟଶାଣୀଙ୍କ ଆନ୍ଦୋଳନ ଓ ଧାରଣାକୁ ମନ୍ତ୍ରୀ ସ୍ମରଣ କରିଥିଲେ । ଏହା ସହିତ ବିକାଶ ପାଇଁ ଏକତା ଦରକାର । କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମ ରହିଲେ ରାଜ୍ୟର ଅନେକ ବିକାଶ ଘଟିବ ବୋଲି ମନ୍ତ୍ରୀ କହିଛନ୍ତି । ବହୁ ରେଳ ହିତାଧିକାରୀଙ୍କ ମଧ୍ୟରୁ ମୁଁ ଜଣେ ବୋଲି ମନ୍ତ୍ରୀ କହିବା ସହିତ ପ୍ରତି ମାସରେ ଅନୁନ୍ୟ ପାଂଚରୁ ଛଅ ଥର ଭୂବନେଶ୍ୱରରୁ ନୟାଗଡ଼କୁ ଯାତ୍ରା କରୁଥିବା କହିଛନ୍ତି ।