ଉଚ୍ଚଶିକ୍ଷା ବିଭାଗ ପକ୍ଷରୁ ୨ୟ କାଉନସିଲିଂ ବୈଠକ
ଭୂବନେଶ୍ୱର, (ବାଘୁଆବାର୍ତ୍ତା ବ୍ୟୁରୋ) : ରାଜ୍ୟ ଉଚ୍ଚଶିକ୍ଷା ବିଭାଗ ପକ୍ଷରୁ ଇମେଜ୍ଠାରେ ୨ୟ ରାଜ୍ୟ ଉଚ୍ଚଶିକ୍ଷା ବିଭାଗର କାଉନ୍ସିଲ୍ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ରାଜ୍ୟ ସରକାରଙ୍କର କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଏବଂ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗ ଦେଇ ବାର୍ଷିକ ଖସଡ଼ା ଉପରେ ଆଲୋଚନା କରିଥିଲେ । ମୁଖ୍ୟତଃ ଆଧୁନିକ ଗବେଷଣା ଉପରେ ମନ୍ତ୍ରୀ ଗୁରୁତ୍ୱ ଦେବା ସହ ସ୍ନାତକତ୍ତୋରରେ କିପରି ସଠିକ ଭାବରେ ପ୍ରବେଶ କରିବା, ପ୍ରଶ୍ନପ୍ରତର ସଠିକ ପ୍ରସ୍ତୁତି, ପାଠ୍ୟକ୍ରମ ବାଦ ନୂତନ ଶିକ୍ଷା ପଦ୍ଧତି ଉପରେ ଗୁରୁତ୍ୱ,ୱେବ୍ ସାଇଟର ସଠିକ ପରିଚାଳନା, ଉନ୍ନତ ପାଠ୍ୟକ୍ରମ ସଠିକ ସମୟରେ ପ୍ରସ୍ତୁତି କରିବା ଏବଂ ସଠିକ ସମୟରେ ପାଠ୍ୟ ପୁସ୍ତକ ମୁଦ୍ରଣ ଉପରେ ଆଲୋଚନା କରିଥିଲେ । ଏଥିରେ ଉଚ୍ଚଶିକ୍ଷା ବିଭାଗର ପ୍ରମୂଖ ଶାସନ ସଚିବ ଶାଶ୍ୱତ ମିଶ୍ର ଯୋଗ ଦେବା ସହ ଉଚ୍ଚଶିକ୍ଷା ବିଭାଗର ବରିଷ୍ଠ ଅଧିକାରୀ ଯୋଗ ଦେଇ ମତାମତ ରଖିଥିଲେ ।
