ରଣପୁର, (ବାଘୁଆବାର୍ତ୍ତା): ସଂପ୍ରତି କରୋନାଭଳି ମହାମାରୀ ସମୟରେ ପ୍ରାଥମିକ ସ୍ତରଠାରୁ ଉଚ୍ଚ ସ୍ତର ପର୍ଯ୍ୟନ୍ତ ଶିକ୍ଷା ବ୍ୟବସ୍ଥା ସଂପୂର୍ଣ୍ଣ ଠପ୍ ହୋଇଯାଇଛି । ଏଭଳି ସ୍ଥିତିରେ ନୟାଗଡ ଜିଲ୍ଲା ରାଜସୁନାଖଳା ମହାବିଦ୍ୟାଳୟ ଏବଂ ମଙ୍ଗଳା ମହାବିଦ୍ୟାଳୟ କାକଟପୁୁରର ମିଳିତ ଆନୁକୂଲ୍ୟରେ ଏକ ରାଜ୍ୟସ୍ତରୀୟ ସଂସ୍କୃତ ୱେବିନାର “ମାହେଶ୍ୱର ସୂତ୍ର ବିମର୍ଷ’ ଶିର୍ଷକ ବିଷୟ ବିନ୍ଦୁ ଉପରେ ଅନୁଷ୍ଠିତ ହୋଇଯାଇଛି । ଶ୍ରୀ ଦୁର୍ଗାପ୍ରସାଦ ରଥଙ୍କ ବେଦ ପାଠ ପରେ ଶରଣକୂଳ ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଶ୍ରୀଯୁକ୍ତ ବିଜୟ କୁମାର ରଥ ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ । ଶ୍ରୀ ଜଗନ୍ନାଥ ସଂସ୍କୃତ ବିଶ୍ୱ ବିଦ୍ୟାଳୟ ପୁରୀର ପ୍ରାକ୍ତନ କୁଳପତି ପ୍ରଫେସର ରାଧାମାଧବ ଦାଶ ଯୋଗଦେଇ ସଂସ୍କୃତ ବ୍ୟାକରଣରେ ମାହେଶ୍ୱର ସୂତ୍ରର ଶାସ୍ତ୍ରୀୟ ବୈଶିଷ୍ଟ୍ୟ ବିଷୟରେ ଆଲୋକପାତ କରିଥିଲେ । ରାଜସୁନାଖଳା ମହାବିଦ୍ୟାଳୟର ଅଧ୍ୟକ୍ଷ ଅଶୋକ କୁମାର ପରିଡା ଅଧ୍ୟକ୍ଷତାରେ ଅନୁଷ୍ଠିତ ଏହି ସଂସ୍କୃତ ୱେବିନାରରେ କାକଟପୁର ମହାବିଦ୍ୟାଳୟର ଅଧ୍ୟକ୍ଷ ଡଃ. କାଳୀଚରଣ ପଟ୍ଟନାୟକ ସଂସ୍କୃତ ଭାଷାର ମହତ୍ୱ ସମ୍ବନ୍ଧରେ ଆଲୋଚନା କରିଥିଲେ । ଉକ୍ତ କାର୍ଯ୍ୟକ୍ରମକୁ ମହାବିଦ୍ୟାଳୟର ସଂସ୍କୃତ ବିଭାଗର ବିଭାଗୀୟ ମୁଖ୍ୟା ସୁରମା ଷଡଙ୍ଗୀ ସଂଯୋଜନା କରିଥିବା ବେଳେ କାକଟପୁର ମହାବିଦ୍ୟାଳୟର ସଂସ୍କୃତ ଅଧ୍ୟାପିକା ଡଃ. ମାନସୀ ସାହୁ ଧନ୍ୟବାଦ ଅର୍ପଣ କରିଥିଲେ । ଗୁଗୁଲ୍ ମିଟ୍ ମାଧ୍ୟମରେ ଶତାଧିକ ସଂସ୍କୃତ ପ୍ରେମୀ ଉକ୍ତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।
