ପାଢ଼ି ଟିୟୁଟୋରିଆଲ୍ ବାର୍ଷିକ ଉତ୍ସବ ପାଢ଼ିଫେଷ୍ଟ
ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସହରରେ ଅବସ୍ଥିତି ଅଗ୍ରଣୀ ଶିକ୍ଷାନୁଷ୍ଠାନ ପାଢ଼ି ଟିୟୁଟୋରିଆଲ୍ ପକ୍ଷରୁ ବାର୍ଷିକ ଉତ୍ସବ ପାଢ଼ିଫେଷ୍ଟ ଅନୁଷ୍ଠିତ ହୋଇଯାଇଛି । ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟ ଡାଇମଣ୍ଡ ଜୁବୁଲି ହଲରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ଯୋଗ ଦେଇଥିଲେ ।
ଏହି ଅବସରରେ ଡ. ସାହୁ ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ସମୟର ବ୍ୟବହାର ସମ୍ପର୍କରେ ବକ୍ତବ୍ୟ ରଖିଥିଲେ । ସମୟକୁ ଯିଏ ଅପଚୟ କରିଛି ତା ଜୀବନ ନଷ୍ଟ ହୋଇଛି ବୋଲି ବକ୍ତବ୍ୟ ରଖିଥିଲେ । ସ୍କୁଲ ପାଠ୍ୟକ୍ରମ ସହିତ ଅନ୍ୟାନ୍ୟ ସମସ୍ତ ବିଭାଗ ଉପରେ ରୁଚି ରଖିବା ପାଇଁ ପ୍ରକାଶ କରିଥିଲେ । ଛାତ୍ରଛାତ୍ରୀ ମାନେ ନିୟମିତ ବ୍ୟାୟାମ ଓ ଯୋଗ କରିବା ଆବଶ୍ୟକ ବୋଲି ପ୍ରକାଶ କରିଥିଲେ ।
ମୁଖ୍ୟ ବକ୍ତା ଭାବେ ସୋଆ ୟୁନିଭର୍ସିଟିର ଭାଇସ ଚାନ୍ସଲର ପ୍ରଫେସର ଅଶୋକ କୁମାର ମହାପାତ୍ର ପାଠ ସହିତ ଧାର୍ମିକ କ୍ଷେତ୍ର ପ୍ରତି ଛାତ୍ରଛାତ୍ରୀ ମାନେ ରୁଚି ରହିବା ଆବଶ୍ୟକ ବୋଲି ପ୍ରକାଶ କରିଥିଲେ । ପାଠ୍ୟ ସହିତ ବ୍ରାହ୍ମ ମୁହୁର୍ତରୁ ଉଠି ଭଜନ ଓ ମନ୍ତ୍ର ଧ୍ୟାନ କରିବା ଆବଶ୍ୟକ ବୋଲି ପ୍ରକାଶ କରିଥିଲେ । ଏଥି ସହିତ ସମସ୍ତ ବେଦ ଉପରେ ତର୍ଜମା କରି ଛାତ୍ରଛାତ୍ରୀ ମାନଙ୍କୁ ପ୍ରକାଶ କରିଥିଲେ ।