ନୟାଗଡ଼, (ବାଘୁଆବାର୍ତ୍ତା): ଛୋଟିଆ ଭୁଲ୍ ବିଶ୍ୱବାସୀଙ୍କ ମୁହଁ ବାନ୍ଧିଦେଉଛି। ମିଠା ଭିତରେ ରାଜା ପାଲଟିଛି ଛେନାପୋଡ଼। ସେହି ଛେନାପୋଡ଼ ସ୍ରଷ୍ଟାଙ୍କ ଜନ୍ମ ଦିବସ। ସେ ନାହାନ୍ତି ସତ୍ କିନ୍ତୁ ତାଙ୍କର ସେହି ଛୋଟିଆ ଭୁଲ୍ ରୁ ସୃଷ୍ଟି ହୋଇଥିବା ଛେନାପୋଡ଼ ଆଜି ଏହି ବିଶ୍ୱ ଦରବାରରେ ପହଞ୍ଚିଛି। ସେହି ସ୍ରଷ୍ଟା ଆଉ କେହି ନୁହଁନ୍ତି, ସ୍ୱର୍ଗତ ସୁଦର୍ଶନ ସାହୁ ଛେନାପୋଡ଼ ର ସ୍ରଷ୍ଟା ଭାବେ ବିଶ୍ୱବାସୀଙ୍କ ପାଖରେ ପରିଚିତ। ଆଜି ତାଙ୍କର ଜନ୍ମଦିବସକୁ ଆଜି ବିଶ୍ୱବାସୀ ବିଶ୍ୱ ଛେନାପୋଡ଼ ଦିବସ ଭାବରେ ଖୁବ୍ ଧୁମ୍ ଧାମର ସହ ପାଳନ କରୁଛି। ତେବେ ଆଜି ସ୍ୱର୍ଗତ ସୁଦର୍ଶନ ସାହୁଙ୍କ ମନେ ରଖିବା ପାଇଁ ତାଙ୍କର ନୟାଗଡ଼ ସ୍ଥିତ ବାସଭବନରେ ବିଶ୍ବ ଛେନାପୋଡ଼ ଦିବସ ପାଳନ ହୋଇଯାଇଛି। ସ୍ୱର୍ଗତ ସାହୁଙ୍କ କନିଷ୍ଠ ପୁତ୍ର ସୁମନ କୁମାର ସାହୁଙ୍କ ତତ୍ତ୍ଵାବଧାନରେ ଆୟୋଜିତ ବିଶ୍ୱ ଛେନାପୋଡ଼ ଦିବସରେ ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ୍ ପଟ୍ଟନାୟକ, ପୌର ପରିଷଦ ଅଧ୍ୟକ୍ଷା ନିରୂପମା ଖଟେଇ, ନୟାଗଡ଼ ପଞ୍ଚାୟତ ସମିତି ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ଉତ୍କଳ ସାମ୍ବାଦିକ ସଂଘର ଜିଲ୍ଲା ସଭାପତି ଶ୍ରୀକାନ୍ତ ଖଟେଇ, ବସ୍ ମାଲିକ ସଂଘର ସଭାପତି ଶେଖ୍ ଇସୁବ୍, ବଶିଷ୍ଠ ସାମ୍ବାଦିକ ରାମକୃଷ୍ଣ ରଥ, ବରିଷ୍ଠ ବିଜେଡ଼ି ନେତା ପ୍ରଭାତ ଷଡ଼ଙ୍ଗୀ ଓ ବହୁ ସାମ୍ବାଦିକ, ବୁଦ୍ଧିଜୀବୀ ପ୍ରମୁଖ ଉପସ୍ଥିତ ବିଶ୍ବ ଛେନାପୋଡ଼ ଦିବସରେ ଛେନାପୋଡ଼ କାଟି ଖୁଆଇ ବିଶ୍ବ ଛେନାପୋଡ଼ ଦିବସ ପାଳନ କରିଥିଲେ।
ବିଶ୍ବ ଛେନାପୋଡ଼ ଦିବସ:ସ୍ରଷ୍ଟାଙ୍କ ବାସ ଭବନରେ ବିଶ୍ବ ଛେନାପୋଡ଼ ଦିବସ ପାଳନ
